VOV4.K’ho- Tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ tìp măt ală cau lơh sa kă bro kơnòm să lơh geh Khà jờng Sơma` Pơrhê di tơngkah 20 nam Khà jờng do.

Thủ tướng đơs là, ală mpồl lơh sa kă bro pal lơh pràn đòm jăt cồng nha bơh dơ\ kăc màng công nghiệp dơ\ 4 dê. Ală cau lơh sa kă bro kơnòm să, ngan là ală mpồl lơh sa kă bro Sơma` Pơrhê kung pal tă pơgồp ală gùng dà broă lơh, ală jơnau kơlôi sơnơng bè lơh niam wơl gùng dà broă lơh kơrnoat boh lam, ngui công nghệ, tam gơl pa bơceh pa.

Đơs sùm tus gơnoar broă bơh ală mpồl lơh sa kă bro lơh geh khà jờng Sơma` Pơrhê dê, Thủ tướng đơs là, dilah dà lơgar geh tai 1 rbô mpồl lơh sa kă bro bè ală mpồl lơh sa kă bro Sơma` Pơrhê den broă digơlan geh krơi. Den tàng bè hơ\, Thủ tướng sồr ală mpồl lơh sa kă bro pơn jăt tai jơh nùs jơh tồr rlau tai tàm bơtàu tơnguh dà lơgar, geh bơta kơ\p kờ` brồ guh tài dùl Việt Nam dờng pràn pas sơm.

Bè đah Chính phủ, Thủ tướng pà gi\t, Chính phủ pơn jăt tai ai tơl bơta ai mpồl lơh sa kă bro, mpồl lơh sa kă bro kơnòm să, mpồl lơh sa kă bro Sơma` Pơrhê in geh anih lơh broă niam rlau tai nàng ală mpồl lơh sa kă bro in geh dùl anih lơh broă niam, song dơ pă, ngui niam bơta jak, bồ tơngoh jak he dê.

Cau mblàng Lơ Mu K’Yến