VOV4.K’ho- Tàm Hìu duh broă Chính phủ dê, ồng Nguyễn Xuân Phúc Thủ tướng tàm mho ngai 20/3 pơn jăt tai đơng lam dơ\ pơrjum Thường trực Chính phủ cribơyai bè ală broă lơh rcăng sơndră kòp Covid-19. Uă jơnau đơs đơs là, jơnau digơlan kòp lơh bơtờp uă bal mờ khà uă cau bơtờp digơlan gơlik geh. Ala măt kuang đơng lam bồ Bộ Ngoại giao pà gi\t: Bơh 12 jiơ mang ngai 21/3 lơh jăt jơnau sồr pal tam cah is gơ wèt mờ jơh ală cau mu\t bơh lơgar ndai.

Gơ wèt mờ cau lơgar ndai geh hộ chiếu lơh broă mờ lơgar ndai den tam cah is tàm hìu, anih ơm jăt jơnau bơto pơlam. Pơndu\t dơ\ pơrjum, Thủ tướng ồng Nguyễn Xuân Phúc đơs sùm: nùs nhơm lơh ngan jơh nùs, krà` cê, kơryan mờ gròi sền kòp bơtờp bơh đah bơdìh mu\t tàm lơgar he. Bal mờ hơ\, mblàng yal, tam cah is, kơryan kòp, sơm kòp tus gơtùi ală cau gơtìp kòp in. Mơkung geh gùng dà broă lơh krà` cê jơh nùs rlau nàng kơryan ờ ai kòp in lơh bơtờp.

Dùl dơ\ tai, Thủ tướng đơs loh, nùs nhơm geh kơnòl bơh ală kuang bàng tàm Mpồl đơng lam dê “ba` hư nùs bè ală cồng nha bơh sơnrờp tàm broă lơh rcăng sơndră kòp; Sồr jơh tơl nă làng bol ba` lòt tus tiah gal cau, sồr jơh ală anih lơh broă chính trị pơn jăt tai dùl nùs bal mờ Bộ Y tế, mpồl ling, kuang àng, mờ ală mpồl cau geh gơrềng bal lam lơh jăt broă lơh rcăng sơndră kòp.

Cau mblàng Lơ Mu K’Yến