VOV4.K’ho- Drim ngai 01 nhai 04, tàm hìu duh broă Chính phủ dê, ồng Nguyễn Xuân Phúc Thủ tướng Chính phủ đơng lam pơrjum pờ tơlik tơn tàm internet dơ\ pơrjum ờs mờng nhai 3 bơh Chính phủ dê, cribơyai bè broă rcăng sơndră kòp Covid-19, broă lơh jăt kơnòl broă lơh sa- mpồl bơtiàn nhai 3 mờ qúy 1 nam 2020. Thủ tướng đơs loh, kòp bơtờp uă Covid-19 gam lơh bơtờp pràn ngan tàm dunia, gơrềng ờ niam ngan tus jơh gùt lơgar he dê.

Thủ tướng ồng Nguyễn Xuân Phúc đơng lam dơ\ pơrjum pờ tơlik tơn tàm internet dơ\ pơrjum ờs mờng nhai 3 bơh Chính phủ dê

Tổng Bí thư, Chủ tịch lơgar ồng Nguyễn Phú Trọng neh hòi jà jơh gùt Đảng, gùt làng bol, gùt ling klàng tam klăc bal dùl nùs nàng sơndră kòp geh cồng nha. Bè broă ơm yah tam cah is jơh gùt mpồl bơtiàn geh cih tàm Chỉ thị sồ 16, Thủ tướng ồng Nguyễn Xuân Phúc đơs loh, ơm yah tam cah is jơh gùt mpồl bơtiàn là jơnau geh ai lơh gơrềng tus kơrnoat boh lam ờ go\ lơh tìs kơrnoat boh lam nàng sền gàr să ja`, pràn màng làng bol dê.

Ơm yah tam cah is jơh gùt mpồl bơtiàn hơ\ là broă ơm yah tam cah is tàm mpồl bơtiàn, tàm hơ\ geh: gàr bơta ơm yah tàm mpồl bơtiàn nàng sơndră mờ jơnau digơlan gơlik geh ngòt rơngơ\t, bơtờp uă bơh kòp dê, gàr bơta ơm yah đah cau mờ cau, [òn mờ [òn, ờ go\ di là kơryan lòt rê, ờ hềt tus tu\ pal wàng se kơryan mpồl bơtiàn mờ mìng là ờ huan ai lòt rê uă lơm.

Cau mblàng Lơ Mu K’Yến