VOV4.K’ho- Tềng đăp bơta gơbàn kal ke ngan bơh kòp bơtờp tài bơh virus Corona tàm lơgar Lo mờ tàm dunia, ồng Nguyễn Xuân Phúc Thủ tướng Chính phủ neh đơng lam pơrjum Duh broă sùm Chính phủ bè rcăng sơndră kòp bơtờp do. Thủ tướng sồr ală bộ, ngành pal tơnguh uă rlau tai nùs nhơm lơh broă geh kơnòl uă nàng sền gàr pràn kơldang să jan mờ màng kis làng bol dê; ai tơlik ală gùng dà broă lơh niam ngan rlau jơh, mhar ngan rlau jơh mờ dùl ròt bal ngan rlau jơh.

Do là kòp bơtờp ngòt rơngơ\t, ờ hềt geh sơnơm vaccine rcăng sơndră kòp, bơta lơh bơtờp mhar ngan, tàm tu\ hơ\, Việt Nam tìp kal ke tàm broă rcăng sơndră kòp tài bơh geh uă năc lòt nhơl bơh lơgar Lo tus tàm Việt Nam. Thủ tướng sồr, Bộ Y tế pal geh broă rơndăp lơh rcăng lài rcăng sơndră kòp bơtờp bal mờ ală jơnau digơlan gơlik geh loh làng. Kơlôi sơnơng ai tơlik ală broă pơlam sơm kòp ai ală anih lơh sơnơm in.

Cau mblàng Lơ Mu K’Yến