VOV4.K’ho - Tàm Hà Nội pa geh bơyai lơh jào khà pơn jờng Nghệ sĩ Nhân dân, Nghệ sĩ ưu tú dơ\ 9 nam 2019. Geh 391 nă nghệ sĩ geh pơn jờng ndrờm neh rơlao mờ broă rơwah nền nòn. Ală nghệ sĩ gơwèt 9 jơi bơtiàn là Yoan, H’Mông, Rơđê, Jarai, Khmer, Thái, Mường, Tày, Nùng, tàm ală gah bơta chài rơgơi krơ is bè đơs crih tamya, lơh lơma, pờ tơl^k jơnau đơs mờ sơnđio rùp, lơh lèo…

Đơs tàm dơ\ jào khà pơn jờng, Thủ tướng ồng Nguyễn Xuân Phúc đơs tòm, khà pơn jờng Nghệ sĩ Nhân dân, Nghệ sĩ ưu tú là khà pơn jờng kuơ màng mờ đơs tai, khà pơn jờng Nghệ sĩ nhân dân, Nghệ sĩ ưu tú là khà pơn jờng kuơ màng mờ Dà lơgar pà ai ala măt geh pơnrơ jăk mpồl cau chài rơgơi tàm gùt lơgar in.

Do là ală cau chài neh sùm lơh ngan bơsram tàp, gơs dờng pràn mờ bơceh pa sùm tàm broă lơh chài rơgơi, geh ală cau tàm mpồl bal, bal mờ làng bol pin dờn mờ gơboh kờ`. Ală cau chài là mpồl pin dờn, đềt mềr mờ Đảng mờ Làng bol dê, geh nùs nhơm gơboh mờ dà lơgar, geh bơta jăk chài, nùs nhơm niam tàm broă lơh mờ gơboh mờ broă lơh.

Cau mblàng Ndong Brawl