VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc đơng lam pơrjum sền sơwì broă lơh jat kơrnuat pơgồp bal lơh broă đah Chính phủ mờ Ủy ban Mặt trận dà lơgar Việt Nam nam 2019. 

Thủ tướng đơs loh, ală cồng nha bơh dà lơgar dê tàm tơngai lài geh bơta tă pơgồp tơn bơh Mặt trận dà lơgar Việt Nam dê, bơta tă pơgồp bơh gùt làng bol bơh gùt lơgar he dê, ală mpồl lơh sa dê, kờp bal mờ làng bol lơgar he ơm tàm lơgar ndai.

Tơngai tus, Thủ tướng đơs là, tơngume tờm pơgồp bal lơh broă là bơtòm tơr gùm, tơnguh bơta pràn gùt jơi bơtìan sơr lèt gan kal ke mờ nùs nhơm, bơta kơp kờ` brồ guh bơh lơgar Việt Nam dê. Thủ tướng kơp kờ` Mặt trận dà lơgar Việt Nam bal mờ Chính phủ sền sơwì, bơsong, tam gơl broă lơh ờ niam, ờ hềt dipal, sền gròi tus broă bơsong sră yal yă yal khài, ală bơta ờ suk bơh làng bol dê bơh tàm ală kấp mặt trận, gơnoar atbồ kấp hơ đơm. Pơn jat tai tơnguh pràn rlau tai gơnoar broă bơh mặt trận dê tàm broă bơt bơtàu, ai tơlik gùng dà broă lơh, adat boh lam drơng bơtàu tơnguh dà lơgar dê in.

Cau mblàng K’Duẩn