VOV4.K’ho – Thủ tướng Chính phủ pa ki\ tơlik Chỉ thị bè broă sơlơ tơnguh ală broă lơh rơcang sơndră tềng đap ală gơlik geh kal ke pa bơh kòp as sồt gùng tă nhơm kơn jơ\ bơh jơi pa virus Corona lơh gơbàn. Chỉ thị đơs loh: Kòp as sồt gùng tă nhơm kơn jơ\ bơh jơi pa virus Corona lơh gơbàn gam bơ tờp mhar ngan, kơn jơ\ ngan mờ neh tàm khà ua\ ngan tàm lơgar Lo.

Mpồl lơh sơnơm dunia neh yal bơr bơta lơh sơnơm jal mhar gùt plai ù. Việt Nam là lơgar digơlan bơ tờp kòp ua\ ngan tài geh gùng nhàr dà lơgar jòng mờ lơgar Lo, khà cau lòt rê, kă bro ua\, nac nhơl chờ, cau lơh broă lơgar Việt Nam lơh broă tàm lơgar Lo mờ cau lơgar Lo lơh broă tàm Việt Nam gal ngan.

Ală Bộ, mpồl, gah broă lơh, ală tiah neh rơcang lài, geh ua\ broă lơh krà`, jơh nùs rơcang, sơndră kòp do. Kuơmàng, Chính phủ neh đơng lam jơh nùs mờ gam sền gròi niam ală bơta gơlik geh. Bulah bè hơ\, tàm ua\ tiah, nùs nhơm mờ jơnau git wă rơcang sơndră kòp do ờ hềt ua\, ờ hềt geh broă rơndap lơh, broă lơh mùl màl, rơcang lài sơndră mờ kòp….

Cau mblàng K’Duẩn