VOV4.K’ho - Ngai 28 nhai 7, tàm Hà Nội, Tổng Liên đoàn Lao động Việt Nam neh bơyai lơh tơnkah 90 nam ngai crơng gơs Công đoàn Việt Nam.

                          Thủ tướng jào Huân chương Hồ Chí Minh dơ\ 3 ai Công đoàn Việt Nam in

Đơs tàm pơrjum, Thủ tướng Chính phủ ồng Nguyễn Xuân Phúc đơs tòm: Neh rơlao 90 nam crơng gơs mờ tơnguh bơtàu, Công đoàn Việt Nam neh tơnguh bơtàu, dờng pràn, lòt bal mờ dà lơgar, là tơngu me tòm chính trị, mpồl bơtiàn kơl jăp Đảng mờ Dà lơgar he dê.

Tềng đăp mờ broă kờ` chồl pràn bơ\t bơtàu dà lơgar, tơrgùm bal mờ dunia ngai sơlơ uă mờ gơrềng bơh dơ\ lơh sa mờ măi mo\k 4.0, Thủ tướng đơs tòm, Công đoàn Việt Nam pal tam gơl pa pràn, tơl ală bơta kờ` pơn jăt tai gàr niam mờ tơnguh cồng nha dờng màng mờ bơhiàn jăk chài.

Thủ tướng sồr pal pơn jăt tai tam gơl pa pràn tơngu me mờ broă lơh công đoàn; tơrgùm lơh jăt ală kơnòl tòm, bơta tòm mờ đoàn viên, cau lơh broă sền gròi, mờ cèng geh ală bơta kuơ tềng đăp măt, jo\ jòng, ndrờm bal ai cau lơh broă, cau ngui cau lơh broă mờ ai dà lơgar in.

Cau mblàng Ndong Brawl