VOV4.K’ho- Di dơ\ lơgar Việt Nam ngan ngồn dờp lơh gơnoar broă Kuang ătbồ mpồl ASEAN mờ nam pa 2020, ngai 1/1/2020, ồng Nguyễn Xuân Phúc Thủ tướng Chính phủ neh pơyua sră chờ gờm sơnam pa Kuang đơng lam bồ ală lơgar ASEAN.

Thủ tướng pơyua sră chờ gờm sơnam pa Kuang đơng lam bồ ală lơgar ASEAN

Tàm sră pơyua geh gơl cih bè do: “Ala măt Chính phủ mờ làng bol Việt Nam, a` dan pơyua jơnau Chờ gờm Sơnam pa geh uă bơta pràn kơldang, chờ hờp mờ cồng nha tus mờ jơh ală ồng mò mờ hìu bơnhă bal mờ jơh tơl nă làng bol tàm Mpồl bơtiàn ASEAN.

Nam 2020 geh yal lài digơlan là dùl nam kal ke ngan, geh uă bơta lòng bal mờ ală bơta gơ tam gơl kal ke ngan gơtùi gi\t lài tàm tiah do mờ tàm dunia. Mơya, jơh ală bơta kal ke mờ bơta lòng hơ\ geh ờ rơgơi kơryan bol he wèt tus bal jơnau kờ` bal: Mpồl bơtiàn ASEAN tam klăc, tơrgùm dùl, ring lơngai, pas gơs mờ bơtàu tơnguh kơ\ kơl jăp.

Là Kuang ătbồ mpồl ASEAN nam 2020, Việt Nam kơ\p kờ` geh bal mờ ală lơgar lam lơh ală broă lơh, jơnau bơceh lơh loh làng; lơh kơ\ kơl jăp bơta tam klăc; lơh pràn lơh bal mờ tàm tơrbo\ bal; tơnguh bơta niam chài krơi is; tơnguh bơta gi\t gơ\p lơh broă mờ lơgar ndai mờ tơnguh uă cồng nha lơh broă bơh ASEAN dê.

Việt Nam kơ\p kờ` dờp geh bơta dùl nùs bal mờ lơh broă bal jơh nùs bơh ală lơgar dê tàm broă lơh jăt ală jơnau bơceh lơh do. Bol he pal tàm sơm băt tê bal bơ\t bơtàu mờ dong kờl ai Mpồl bơtiàn ASEAN in bơtàu tơnguh kơ\ kơl jăp mờ pas gơn”.

Cau mblàng Lơ Mu K’Yến