VOV4.K’ho- Mho ngai 15/4, Thường trực Chính phủ neh geh dơ\ pơrjum mờ Mpồl đơng lam dà lơgar mờ ală bộ, ngành, ală tiah bơh bơta đơng lam bơh ồng Nguyễn Xuân Phúc Thủ tướng Chính phủ dê nàng sền swì broă lơh jăt Chỉ thị sồ 16 mờ cribơyai ală broă lơh lơh jăt ơm yah tam cah is mpồl bơtiàn tàm tơngai pơn jăt tai. Tơnơ\ mờ tu\ iăt kơno Thường trực Chính phủ, kuang đơng lam bồ ală bộ, ală ngành mờ ală tiah dê đơs, pơndu\t dơ\ lơh broă, ồng Nguyễn Xuân Phúc Thủ tướng Chính phủ ring bal mờ jơnau dan bơh Mpồl đơng lam dê bè broă sac rwah đal gi\t bơta pơhìn kòp bơtờp tàm ală tiah jăt tàm ală bơta mblàng gơbàn kòp, bơta pràn jak sơndră wơl mờ kòp. Den tàng bè hơ\, ring bal tam pà 3 mpồl càr geh pơhìn uă, geh pơhìn mờ geh pơhìn dùl êt mờ ring bal là mpồl do ờ go\ di là ờ gơ tam gơl mờ geh sền swì, đơs wơl. Mpồl geh pơhìn uă, tàm hơ\ geh 12 tiah, kuơmàng là 2 tiah drà dờng là Hà Nội mờ [òn dờng Hồ Chí Minh. Ală tiah do geh pơn jăt tai lơh jăt Chỉ thị sồ 16 tus ngai 22/4 halà 30/4 gơ jăt tàm bơta gơlik geh ngan ngồn mờ digơlan gơtùi tơn jo\ rlau tai dilah bơta geh ngan geh bơta lơh bơtờp gơlik geh.

Ală tiah gam wơl tàm hơ\ geh tiah Tây Nguyên pơn jăt tai ơm yah tam cah is mpồl bơtiàn mơya ală tiah do geh jơnau pal jăt loh làng bè broă lơh sa, kă bro lơh jăt jơnau sồr rcăng sơndră kòp, lơh jăt ală broă lơh pal lơh jăt, tàm hơ\ geh: ờ huan lik bơdìh hìu, pơn chèu glòm muh măt, sùm ràu tê, gàr bơta ơm yah tam cah ngài tam tìp mờ cau ndai ngài êt ngan kung là 2 thơk, kơryan ờ ai tơrgùm gal cau (geh bal ală broă lơh pơrjum jăt yàng), kơryan ală broă lơh nhơl chờ lơh rài bồ tơngoh, pơn jăt tai til mpồng ală tiah nhơl chờ.

Cau mblàng Lơ Mu K’Yến