VOV4.K’ho- Mho òr 14/8, tàm Hìu duh broă Chính phủ dê ồng Nguyễn Xuân Phúc Thủ tướng Chính phủ wa\ rò Kuang atbồ càr Nagano, lơgar Nhờk là ồng Abe Shuichi gam còp Việt Nam. Thủ tướng chờ hờp kơno yal tàm dơ\ lòt còp bơh ồng Abe Shuichi dê, càr Nagano mờ Bộ Lao động, Thương binh mờ Xã hội Việt Nam neh ki\ jơnau ring bal lơh broă bal bè lơh broă; jờng rơ mờ kơ\p kờ` 2 gah sơlơ lơh broă bal tàm gah broă lơh geh uă bơta pràn do, pờ tơlik dùl tăp pa tàm bơta gi\t gơ\p lơh broă bal đah càr Nagano mờ Việt Nam.

Thủ tướng sồr, tàm tơngai tus, Gơnoar atbồ càr Nagano pơn jat tai sền gròi, sồr ală mpồl lơh sa kă bro bơh càr dê bơcri priă uă rlau tàm Việt Nam; sơlơ tơnguh tai, rề ơnàng dờp cau tus bơsram tàp broă lơh lơgar Việt Nam dê. Chính phủ Việt Nam tu\ lơi kung rcăng ai tơl bơta [ươn nàng mpồl lơh sa kă bro càr Nagano in bơcri priă, kă bro geh cồng nha tàm Việt Nam.

Cau mblàng Lơ Mu K’Yến