VOV4.K’ho – Drim ngai 09/3, Thủ tướng Nguyễn Xuân Phúc đơng lam pơrjum Thường trực Chính phủ nàng iat Mpồl đơng lam dà lơgar rơcang sơndră kòp Covid-19 yal bè broă gơlik geh mờ ală broă lơh rơcang sơndră kòp bơ tờp. Thủ tướng đơs là, lơgar he mut gơ rờm bal dunia ua\, lòt rê ua\, den tàng bơta lơh bơ tờp kòp kung ua\ ngan sơl, den tàng pal geh broă lơh jơh nùs, pràn kơldang, ring bal, di tu\ nàng kơryan geh cồng nha bơ tờp kòp kung bè lơh glài krà` cau lơi pồn kòp.

Thủ tướng sồr Mpồl đơng lam dà lơgar yal bè broă gơlik geh mờ ală broă lơh rơcang sơndră kòp mờ nùs nhơm “sơndră kòp bè sơndră mờ bol sò tơm” nàng sền gàr pràn kơldang să jan, màng kis bơh làng bol dê, gơtùi sơbì 2, 3 bơta kuơ lơh sa nàng gơtùi kơryan kòp Covid-19. Mpồl đơng lam pà git, tàm tơngai tus, khà cau gơbàn kòp Covid-19 digơlan pơn jat gơguh ua\, tài tu\ do, ală cau ơm rềp mờ cau kòp sồ 17 tàm dơ\ poar VN0054 ờ hềt geh sền gròi jơh. Bơdìh hơ\ tai, khà ală lơgar tàm dunia geh kòp gam ngai sơlơ gơguh ua\ lơh broă kơryan kòp bơ tờp mut tàm lơgar Việt Nam sơlơ kal ke rlau. Kuơmàng là kơ\ nùs lơh jat ală broă lơh rơcang sơndră kòp, hơ\ là git go\, kơryan, tam cah is mờ đal git bă tiah kơryan kòp.

Cau mblàng K’Duẩn