VOV4.K’ho- Tàm Hà Nội pa geh lơh Pơrjum pờ tơn tàm internet gùt lơgar lam lơh jăt kơnòl broă nam 2020 bơh Ngân hàng Dà lơgar dê. Tus mờ đơs tàm pơrjum, ồng Nguyễn Xuân Phúc Thủ tướng Chính phủ đơs niam ngan Ngân hàng Dà lơgar tă pơgồp kuơmàng tàm cồng nha lơh geh bơh rài lơh sa dê tàm nam pa do.

Nàng lơh jăt niam ală kơnòl broă tàm nam 2020, Thủ tướng sồr gah ngân hàng lơh jăt niam ală kơnòl broă, gùng dà broă lơh tàm ală Kơrnoat sồ 01, sồ 02 bơh Chính phủ dê mờ Thủ tướng pa ki\ tàm ngai 1/1/2020; jăt sền nền broă gơlik geh nàng di tu\ yal mờ Bộ Chính trị, Chính phủ mờ Thủ tướng Chính phủ in ală bơta gơ tam gơl broă lơh priă jền, ai càn priă jền dunia mờ tàm lơgar.

Thủ tướng kung sồr Ngân hàng Dà lơgar pal lơh jăt bal dùl tu\ 2 jơnau kờ`, hơ\ là lơh geh tiah [ươn [oài ai ală ngân hàng kă bro, mpồl ai càn priă jền in bơtàu tơnguh ờdo ờdă, song dơ pă, geh cồng nha, tàm pơrlòng dunia. Jơnau kờ` dơ\ 2 là lơh li la, tơnguh uă bơta niam drơng broă, lơh jăt di jơnau kờ` mờ ai tơl bơta [ươn ai làng bol mờ mpồl lơh sa kă bro in, bal mờ jơnau đơs [ươn [oài càn ală broă jền tàm ală ngân hàng tàm tơngai gờ` ngan rlau jơh, priă tă lơh broă êt ngan rlau jơh.

Cau mblàng Lơ Mu K’Yến