VOV4.K’ho- Tàm hìu duh broă Chính phủ dê, bơh bơta đơng lam bơh Thủ tướng Nguyễn Xuân Phúc dê, Duh broă sùm Chính phủ pơrjum bơyai ală gùng dà broă lơh gàr tơl đèng tàm tơngai tus. Thủ tướng đơs sùm, nùs nhơm đơng lam kuơmàng ngan rlau jơh bơh Chính phủ dê là sồr Bộ Công thương, gah lơh đèng tàm khăt ală tu\ lơi kung ờ go\ di lời gơlik geh jơnau ờ tơl đèng gơ wèt mờ broă lơh sa, kă bro, rài kis làng bol dê tàm tơngai tus.

Gah lơh đèng pal lơh loh làng, song dơ pă ờ ndơ\p mpồn tàm ală tu\ bơcri priă, lơh gơlik đèng, bơtàu tơnguh ală anih lơh đèng mờ ală gùng che jun đèng; ngui niam ală anih lơh gơlik đèng lơh geh wơl. Thủ tướng ring bal mờ bơta pal jăt blơi jơh pràn lơh gơlik hìu măy pờ tơlik ồs đèng dềt, đèng măt tơngai dê bal mờ khà priă dipal mờ bơta lơh geh bơh tơl rơndăp broă lơh dê. Bộ Công thương tam gơl pa gùng dà broă lơh lơh jat gròi sền tơngai pơrgon lơh gơs ală rơndăp broă lơh đèng tờm kuơmàng; pơn jat tai kờp sền ală rơndăp broă lơh đèng jal mhar, kờ` pal lơh; gàr tơl anih lơh gơlik chah, nhơm ai ală hìu măy đèng in.

Cau mblàng Lơ Mu K’Yến