VOV4.K’ho - Mho òr (29/11), tàm hìu lơh broă Chính phủ, Thủ tướng ồng Nguyễn Xuân Phúc đơng lam dơ\ pơrjum Thường trực Chính phủ mờ ờ uă bộ, gah lơh broă dà lơgar bè kơnòl, broă lơh tòm lơh jăt rơndăp broă tơnguh bơtàu lơh sa mpồl bơtiàn mờ rơndăp broă kes priă Dà lơgar nam 2020.

Tàm pơrjum, ală kuang bàng neh pơgồp jơnau đơs bè ờ uă tơngu me tòm bơh rơndăp broă Nghị quyết mờng geh ai tơl^k tơn tàm bồ nam. Jăt nùs nhơm tam gơl pa bơh Thủ tướng, bơh nam 2018 tus tu\ do, Nghị quyết sồ 01 pah nam sơlơ ngai sơlơ niam, tơrgùm bal, bơta tòm, kuơ màng rơlao.

Ală kuang bàng tus pơrjum pơgồp jơnau tàm broă bơ\t bơtàu broă tơnguh lơh sa bơh tơl quý, gùt nam mờ sră rơndăp săp sèng bè ală khà broă lơh pal niam rơlao, mờ tơl gah broă, mìng geh lơh bơh 1 tus 2 khà broă lơh tòm.

Jơnau đơs pơn du\t tàm pơrjum, Thủ tướng sồr Bộ Kế hoạch mờ Đầu tư đơng lam, pơgồp bal mờ ală bộ, gah lơh broă dà lơgar gơrềng bal lơh gơs rơndăp broă Nghị quyết mờ bơta niam uă, geh đơs tus ală broă geh kuơ tàm nam 2020, yal Chính phủ tàm pơrjum bè ờs tus do.

Cau mblàng Ndong Brawl