VOV4.K’ho - Thủ tướng Chính phủ pa tơl^k Chỉ thị sồ 16 bè broă lơh jăt ală broă mhar rơcang sơndră mờ kòp Covid-19.

Jăt mờ hơ\, lơh jăt broă tam cah is gùt mpồl bơtiàn geh lơh jăt tàm 15 ngai bơh tu\ 12 jơ mang ngai 01 nhai 4 nam 2020 tàm gùt lơgar jăt mờ kơrnoăt hìu nhă tam cah is mờ hìu nhă, [òn tam cah is mờ [òn, xã tam cah is mờ xã, kơnhoàl tam cah is mờ kơnhoàl, càr tam cah is mờ càr, hìu lơh broă, hìu măi lơh broă pal gàr niam bơta ngài niam ờ do ờ dă, pơn chèo gòm muh măt, lơh jăt broă kloh niam, gơsơ\t vi khuẩn jăt mờ kơrnoăt geh ai.

Tàm lơgar Việt Nam, khà cau gơtìp gam gơguh mhar jăt mờ ngai mờ di gơlan gơbàn gơtòp uă tàm mpồl bơtiàn.

Yal lài, kòp geh lơh gơtòp mhar tàm uă tiah, pơhìn uă ngan tus mờ màng kis, bơta pràn kơl dang să jan kòn bơnus mờ broă lơh sa mpồl bơtiàn dà lơgar dê.

Lơh jăt jơnau hòi jà bơh Tổng Bí thư, Chủ tịch lơgar ồng Nguyễn Phú Trọng, Thủ tướng Chính phủ sồr ală Bộ, anih lơh broă ndrờm mờ bộ, anih lơh broă gơwèt mờ Chính phủ, Uỷ ban Nhân dân càr, [òn dờng tơrgùm uă tàm broă lơh jăt ală broă rơcang sơndră mờ kòp bè neh ai, tàm hơ\ uă ngan là chỉ thị sồ 15, lơh jăt ală jơnau đơng lam bơh mpồl đơng lam dà lơgar rơcang sơndră mờ kòp Covid-19.

Cau mblàng Ndong Brawl