VOV4.K’ho- Drim òr 28/8, tàm hìu lơh broă Chính phủ, Thủ tướng Nguyễn Xuân Phúc tìp mat ală oh mi drơng broă sền gàr Bác Hồ.

Tơngo\ bơta ngoh rơngăc bè ală jơnau yal, jơnau kir sơn rai mờ ală oh mi drơng broă, sền gàr Bác Hồ dê yal wơl, Thủ tướng đơs loh Bác Hồ là pơrya àng gơ crà bè nùs nhơm kac màng, krơh niam tă pơgồp dà kơl hề, jơh dùl rài kis tài dà lơgar, tài làng bol. Bác Hồ neh lòt ngài 50 nam mơya rùp să, krơh niam bè nùs nhơm, ală jơnau bơto sồr bơh Bác Hồ dê sùm sơn`io gùng dà broă lơh ai tơl nă kuang bàng, đảng viên mờ làng bol in bơsram mờ lơh jat bal.

Thủ tướng đơs ngan: Đảng, dà lơgar sùm sền dờng màng mờ cih kah dà kơl hề bơh ală wa, ală bi tàm broă drơng broă, sền gàr Bác Hồ. Ală oh mi do sùm prap gàr nùs nhơm kac màng, tu\ jơh sơnam lơh broă, pơn jat tai tă pơgồp uă ngan srơh tàm ală tiah, là krơh niam tàm tiah làng bol ơm kis.

Cau mblàng K’ Hạnh