VOV4.K’ho- Thủ tướng ồng Nguyễn Xuân Phúc tìp măt mờ ală ùr kuang bàng Quốc hội khoá 14. Đơs tàm dơ\ tìp măt, ồng Nguyễn Xuân Phúc đơs sùm, ală oh mi ùr kuang đơng lam bồ mờ ală ùr kuang bàng Quốc hội ndrờm là ală cau ùr jak chài lơm, geh bồ tơngoh jak lơm, jơh nùs jơh tồr mờ broă lơh mờ dà lơgar.

Thủ tướng đơs tàm dơ\ tìp mat

Thủ tướng pà gi\t, tàm tơngai lơh broă do, dơ\ sơnrờp bol he geh ùr Chủ tịch Quốc hội mờ geh 3 nă kuang bàng tàm Bộ Chính trị là cau ùr. Uă kuang đơng lam bồ [òn lơgar tu\ do là cau ùr. Uă cau ùr lơh sa kă bro, uă krơh cau ùr lơh sa jak ờ go\ di mìng lơh pas ai să tờm in lơm mờ gam tă pơgồp uă ngan ai mpồl bơtiàn in.

Đơs tàm dơ\ tìp mat, ală ùr kuang bàng Quốc hội đơs niam ngan Chính phủ neh yal mờ Quốc hội in Rơndăp broă lơh tơrgùm bal bơtàu tơnguh lơh sa- mpồl bơtiàn tiah làng bol kòn cau mờ tiah kơh bơnơm mờ rơndăp broă lơh neh pa geh Quốc hội ring bal. Do là rơndăp broă lơh tơrgùm bal bơh sơnrờp bơtàu tơnguh tiah làng bol kòn cau mờ tiah kơh bơnơm, dong làng bol lơh pas tơn tàm bă ù he dê, pơgồp bơnah tơrmù [à bơta ờ ndrờm bal uă ir priă lơh geh mờ bơtàu tơnguh đah tiah ring mờ tiah kơh bơnơm.

Cau mblàng Lơ Mu K’Yến