VOV4.K’ho – Tàm dơ\ lòt còp ngan ngồn lơgar Myanmar, Thủ tướng Nguyễn Xuân Phúc neh tus còp Đại sứ quán Việt Nam mờ tìp mat, boh bơr mờ ala mat mpồl cau Việt Nam tàm lơgar Myanmar.

Đơs niam broă mpồl cau Việt Nam tàm lơgar Myanmar bulah mìng geh mờr 1 rbô 500 nă cau lơm, mơya sùm tam klac bal, đềt mềr, kah kơ lôi hờ lơgar tờm, Thủ tướng Nguyễn Xuân Phúc đơs nền, Đảng, Dà lơgar sùm sền gròi tus mpồl cau Việt Nam tàm lơgar ndai, mơkung chờ hờp sền go\ khà mpồl lơh sa kă bro lơgar Việt Nam bơcri pria\ tàm lơgar Myanmar gơguh mhar ngan.

Thủ tướng sồr Đại sứ quán Việt Nam tàm Myanmar dong kờl mpồl lơh sa kă bro 2 lơgar chồl pràn lơh broă bal kă bro mờ bơcri pria\; pơn jat tai sền gròi, dong kờl cau Việt Nam tàm Myanmar, dong làng bol kis gơ rờm bal mờ lơgar ơm kis; lơh jat adat boh lam mờ bơcri pria\ kă bro geh cồng nha… Kuơmàng, Thủ tướng sồr Đại sứ quán dong kờl cau Việt Nam tàm Myanmar sền gàr bơhìan ờs mờng jơi bơtìan dê, lơh ală broă lơh niam chài nàng mpồl bơtìan in at tê bal, tam klac bal, geh tiah ơm kis niam, tơnguh ală bơta kuơ niam chài niam bơne\ bơh lơgar Việt Nam dê.

Cau mblàng K’Duẩn