VOV4.K’ho – Dơ\ wă Tổng Thư ký Đảng Dân chủ Tự do lơgar Nhờk mờ mpồl tìp mat lơh sa, niam chài, nhơl chờ lơgar Nhờk neh geh lơh tàm Đà Nẵng. Thủ tướng Nguyễn Xuân Phúc mờ Tổng Thư ký Đảng Dân chủ Tự do lơgar Nhờk, ồng Nikai Toshihiro ring bal, pơn jat tai tơnguh pràn rlau tai lơh broă bal bơh ală cau bơcri pria\, mpồl lơh sa kă bro 2 lơgar, chồl pràn nhơl chờ, sơlơ tơnguh broă lơh tìp mat cribơyai broă mpồl kuang bàng ală kấp, chồl pràn tìp mat lơh bơyô nghị sĩ đah Việt Nam mờ Nhờk, lơh broă bal jat bă tiah.

Sơlơ tơnguh rlau tai nùs nhơm git gơp lơh bơyô mờ bơta git wă bal mờ gơp đah làng bol 2 lơgar, ngan là rơnàng cau kơnòm să, lam git gơp lơh bơyô đah Việt Nam mờ Nhờk ngai sơlơ geh cồng nha, ngan ngồn rlau tai tàm tơl gah broă lơh. Thủ tướng Nguyễn Xuân Phúc đơs nền, lơh broa\  bal, tam klac bal dong 2 lơgar geh tai bơta pràn nàng lam git gơp lơh broă bal jo\ jòng, jrô ơnàng đah Việt Nam mờ Nhờk tus khà pa, tài bơta kươ bơh làng bol 2 lơgar, tài ring lơngai, kơ\ kơljap, lơh broă bal mờ bơtàu tơnguh bơh tiah do mờ dunia dê.

Cau mblàng K’Duẩn