VOV4.K’ho- Tàm càr Trà Vinh, ồng Nguyễn Xuân Phúc Thủ tướng Chính phủ tus bal Dơ\ bơyai lơh tơngkah 120 nam ngai crơng gơs càr Trà Vinh mờ dờp Gai lòng Lơh broă khà dùl. Thủ tướng ồng Nguyễn Xuân Phúc đơs niam ngan ală broă lơh ngan nàng lơh geh ală cồng nha bơh càr Trà Vinh dê tàm broă lơh bơ\t bơtàu mờ bơtàu tơnguh lơh sa- mpồl bơtiàn.

Thủ tướng jàu Gai lòng Lơh broă khà dùl pà càr Trà Vinh in

Thủ tướng sồr, càr Trà Vinh pal pơn jăt tai lơh gàr niam ală cồng nha lơh geh, sền gròi, lơh niam rlau tai broă lơh tơrmù r[ah gơ wèt mờ hìu bơnhă làng bol kòn cau Khmer ngan ngồn pal kơ\ kơl jăp, hìu neh klàs bơh r[ah den pơn jăt tai brồ guh tus tơl ngui tơl sa mờ pas sơm.

Trà Vinh pal pơn jăt tai bơceh pa rlau tàm broă ngui bơta pràn, bơta [ươn, ngan là bơta [ươn bè lơh sa dà lềng; tơrgùm bơtàu tơnguh lơh sa sươn sre công nghệ cao; lơh pràn lơh niam wơl tiah ơm kis bơcri priă; rcăng lài sơrlèt gan mờ trồ tiah lơh aniai, rcăng sơndră kòp bơtờp…Thủ tướng sồr càr pal sền gròi ai bơto bơtê in nàng lơh geh mpồl cau lơh broă jak chài drơng jơnau kờ` bơtàu tơnguh in.

Cau mblàng Lơ Mu K’Yến