VOV4.K’ho- Tàm Hà Nội, ồng Nguyễn Xuân Phúc Thủ tướng Chính phủ tus bal Dơ\ bơyai lơh tơngkah 60 nam ngai crơng gơs mờ chờ hờp dờp rò Gai lòng Lơh broă Khà dùl bơh Bộ Khoa học mờ Công nghệ dê. Đơs tàm dơ\ bơyai lơh tơngkah do, ồng Nguyễn Xuân Phúc đơs là: bơh 60 nam crơng gơs mờ bơtàu tơnguh, Bộ Khoa học mờ Công nghệ sùm lơh niam gơnoar broă dong broă Đảng, Dà lơgar in tàm broă ai tơlik mờ lam lơh jăt ală gùng dà broă lơh, jơnau sồr bơh kơrnoat boh lam dê, bơtàu tơnguh rài jak chài măy mok.

Thủ tướng đơs loh, Việt Nam gam ơm tàm tu\ tơngai tam gơl kuơmàng tàm ală broă lơh bơtàu tơnguh, kờ` pal sền jak chài măy mok mờ tam gơl pa bơceh pa là bơnàng jă dong bơtàu tơnguh mhar mờ kơ\ kơl jăp bơh dà lơgar dê, là mpồl lơh broă tơn, là bơta pràn tờm bơh broă lơh bơtàu tơnguh lơh sa- mpồl bơtiàn.

Thủ tướng đơs sùm, pal lơh niam rlau tai bơta pơgồp bal đah Dà lơgar mờ mpồl bơtiàn tàm broă bơtàu tơnguh jak chài măy mok, Thủ tướng sồr pal lơh dùl ròt bal ală gùng dà broă lơh lơh gơlik geh bơta gơdan kơlôi sơnơng, pràn bơceh pa, lơh broă pràn kơldang krà` cê jơh nùs nàng dong bơtàu tơnguh jak chài măy mok.

Cau mblàng Lơ Mu K’Yến