VOV4.K’ho – Drim òr (24/9) tàm Hà Nội, Thủ tướng Nguyễn Xuân Phúc đơng lam pơrjum bè ală broă lơh chồl pràn bơtàu tơnguh gah cơ khí Việt Nam. 

Tàm pơrjum, ala mat ală hiệp hội mờ ală mpồl lơh sa kă bro tàm ală gah cơ khí dan mờ Chính phủ pal bơt bơtàu ală broă lơh dong kờl, pơn jờng uă rlau tai ai gah cơ khí in; geh broă lơh pơn jờng tàm lơgar nàng ală gah ngui ală phan bơna cơ khí tàm lơgar, ờ mìng tơmù priă lam lơh, mờ gam lơh gơlik drà kă bro ai mpồl lơh sa kă bro cơ khí in.

Đơs tàm pơrjum, Thủ tướng đơs nền, gah cơ khí là gah broă lơh kuơmàng gah rài lơh sa dê, dilah bơtàu tơnguh niam jơh bal bè khà mờ bơta niam den geh pơgồp bơnah lơh rài lơh sa lơgar Việt Nam in brồ guh is tàm tu\ tơngai mut gơ rờm bal jrô ơnàng. Đơs niam ală kuang bàng neh geh ală jơnau đơs jơh nùs nàng bơtàu tơnguh gah cơ khí dà lơgar dê, Thủ tướng pà git, Chính phủ geh lơh ngan nàng nhai 11 tus geh dùl Nghị quyết mờ ală broă lơh, bơta dong kờl niam rlau tai ai gah cơ khí in mờ broă rơndap lơh wèt tus nam 2035.

Cau mblàng K’Duẩn