VOV4.K’ho – Thủ tướng Nguyễn Xuân Phúc bal mờ Kuang atbồ lơgar Hàn Quốc, ồng Moon Jae-in mờ kuang đơng lam bồ ală lơgar ASEAN tus bal pơrjum dờng màng mpồl lơh sa kă bro sơn đờm mut lơh broă mpồl ASEAN mờ lơgar Hàn Quốc geh lơh drim ngai 26/11. Tus bal gam geh ua\ ngan mpồl lơh sa kă bro sơn đờm mut lơh broă bơh mpồl ASEAN mờ lơgar Hàn Quốc dê.

Pơrjum dờng màng sơn đờm mut lơh broă mpồl ASEAN mờ lơgar Hàn Quốc là broă lơh sơn rờp nàng bơt bơtàu bă tiah sơn đờm mut lơh broă mờ tơngume “Sơn đờm mut lơh broă ASEAN – Hàn Quốc, lơh gơlik bơnàng jă bơtàu tơnguh”, lơh gơlik tu\ niam nàng tam pà bal ală gùng dà broă lơh bè sơn đờm mut lơh broă bơceh pa đah ASEAN mờ Hàn Quốc.

Tàm pơrjum, ală kuang đơng lam bồ mpồl ASEAN neh sền dơ\ lơh đơs crih tamya mờ tơngume Kòn bơnus, pas sơm, ring lơngai mờ sơn đờm mut lơh broă. Thủ tướng Nguyễn Xuân Phúc bal mờ ală kuang đơng lam bồ mpồl ASEAN mờ lơgar Hàn Quốc neh sơn đờm lam lơh jat jơnau đơs kờ` pơyua số bơh ală kuang đơng lam bồ dê mờ tơngume “Bơ bơtàu dùl rơnàng tơnơ\ do pas sơm mờ kơ\ kơljap ai mpồl ASEAN mờ lơgar Hàn Quốc in” geh pờ tơlik mờ dà đơs bơh jơh ală lơgar tus bal broă lơh dê.

Cau mblàng K’Duẩn