VOV4.K’ho – Drim òr (30/9) tàm [òn dờng Lạng Sơn, Thủ tướng Nguyễn Xuân Phúc tus bal Pơrjum hòi jà bơcri priă càr Lạng Sơn nam 2019 mờ tơngume “Lạng Sơn – Anih tus geh cồng nha bơh cau bơcri priă dê”. 

                                        Thủ tướng Nguyễn Xuân Phúc mờ ală kuang bàng tus bal pơrjum

Đơs tàm pơrjum, Thủ tướng đơs là, bulah geh bơta bơtàu tơnguh niam mơya Lạng Sơn kung gam là càr geh khà bơtàu tơnguh ờ hềt kơ\ kơljap, priă lơh geh làng bol dê kung gam tàm khà lơyah. Càr kung ờ hềt geh ală phan bơna geh pơn rơ nàng tus bal ală ròt bơta kuơ dờng, ờ hềt gơtùi lơh gơlik ală bơta tam gơl dờng bè lơh sa mpồng nhàr dà lơgar. Bơh ală jơnau sền go\ do, Thủ tướng geh jơnau sồr pal lơh gơlik dùl rài lơh sa loh làng tàm Lạng Sơn, tài do là mpồng nhàr dà lơgar kuơmàng tàm ală gùng lơh sa mờ ờ di là tiah lơi kung gơtùi geh.

Thủ tướng đơs 3 tơngume tờm tàm broă bơtàu tơnguh lơh sa – mpồl bơtìan mờ càr pal sền ngac, geh: lơh sa mpồng nhàr dà lơgar, nhơl chờ kơ\ kơljap, lơh sa suơn sre ngac ngar gơ jat bal mờ lơh sa suơn sre lơh gơlik phan sa. Tàm pơrjum hòi jà bơcri priă nam do, càr Lạng Sơn kung yal mat 37 rơndap broă lơh gơ hòi gơ jà cau bơcri priă bơh càr dê mờ jàu ală kơrnuat, ki\ sră cih kah mờ kờp jơh priă bơcri git nđờ jơt tơmàn priă. Do geh sền là jơnau hòi jà bơcri priă dờng ngan rlau jơh bơh lài tus tu\ do bơh càr Lạng Sơn dê.

Cau mblàng K’Duẩn