VOV4.K’ho – Bộ Tài chính pa bơyai lơh pơrjum pờ tơlik tơn tàm internet tơn jơh broă lơh pria\ jền – kes pria\ dà lơgar nam 2019, lam lơh jat kơnòl broă pria\ jền – kes pria\ dà lơgar nam 2020. Thủ tướng Chính phủ, ồng Nguyễn Xuân Phúc neh tus bal mờ đơng lam pơrjum. Nam 2020, bulah khà sră nggal pơlam lơh jat jơnau cih adat boh lam dê geh jàu đơng lam bơt bơtàu là ua\ ngan, Bộ Tài chính neh lơh gơs 100% broă rơndap lơh bơt bơtàu adat boh lam, kơrnuat boh lam geh jàu.

Bộ Tài chính lơh ngan nam 2020, lam lơh ua\ ngan rlau jơh jơnau kờ` pria\ jền – kes pria\ dà lơgar, tơngai bơh nam 2016 tus nam 2020. Gah Tài chính pơn jat tai rơndap tap sèng wơl kes pria\ dà lơgar, sơlơ tơnguh kơrnuat pal jat, lơh glài kes pria\, pơgồp bơnah gàr kơ\ broă lơh sa dờng, chồl pràn lơh sa, kă bro, bơtàu tơnguh mhar mờ kơ\ kơljap. Pơn jat tai tam gơl pa broă lơh bơt bơtàu, lơh gơs adat boh lam; bơt bơtàu mpồl kuang bàng duh broă bal hia\, geh cồng nha; chồl pràn lơh niam sră nggal lơh broă, tam gơl pa, tơmù sră nggal lơh broă, bơt bơtàu chính phủ điện tử drơng làng bol, mpồl lơh sa kă bro.

Cau mblàng K’Duẩn