VOV4.K’ho – Drim ngai 17/1, tàm Hà Nội, Thủ tướng Chính phủ, ồng Nguyễn Xuân Phúc tus bal mờ đơs tàm Pơrjum tơn jơh broă lơh nam 2019, lam lơh kơnòl broă nam 2020 bơh Ban Kinh tế dà lơgar dê. Đơs tàm pơrjum, Thủ tướng Nguyễn Xuân Phúc đơs nền, Đảng he dê neh đal git bơtàu tơnguh lơh sa là kơnòl tờm ngan. Mờ bơta kơlôi sơnơng hơ\, Ban Kinh tế dà lơgar neh lòt bal mờ Chính phủ tàm gah lơh sa.

Thủ tướng sồr tơngai tus, Ban Kinh tế dà lơgar pơn jat tai tơnguh cồng nha broă lơh sền sơwì wơl rơndap broă, broă rơndap lơh, tơnguh bơta khoa học, song dơpă, cèng bơta cribơyai bal. Bal mờ hơ\ là tơnguh bơta niam, cồng nha pơlam, sền sơwì, sền gròi di tu\ git go\ ală bơta ờ niam tàm adat boh lam, cơ chế, broă lơh tàm broă lam lơh jat, bơh hơ\ ai tơlik broă lơh chồl pràn bơta bơtàu tơnguh. Pơn jat tai lam lơh jat niam Quy chế pơgồp bal đah Ban Kinh tế dà lơgar mờ Mpồl cau dong broă Đảng, Chính phủ mùl màl rlau, pah quý pal geh pơrjum sền wơl, ai geh mờng chài.

Cau mblàng K’Duẩn