VOV4.K’ho – Mho ngai 8/1, tàm hìu lơh broă Chính phủ, wă Chủ tịch Quốc hội lơgar Lào, mò Pany Yathotou, Thủ tướng Nguyễn Xuân Phúc đơs loh, nam 2020, git gơp lơh broă bal đah 2 lơgar pal bơtàu tơnguh pràn kơldang mờ niam rlau nam 2019.

Thủ tướng ai tơnggo\ bơta chờ hờp bè git gơp lơh broă bal đah Quốc hội 2 lơgar ngai sơlơ tam klac jơh nùs; sơlơ tơnguh lơh broă bal, tàm yal jơnau, tam pà mờng chài lơh broă; pơgồp bal niam tàm ală broă lơh lơh broă mờ lơgar ndai bơh Quốc hội 2 lơgar dê.

Thủ tướng sồr, tơngai tus, 2 Quốc hội pal pơn jat tơnguh broă sền gròi mờ ai geh bơta niam nàng ală rơndap broă lơh bal bơcri pria\ đah 2 lơgar geh lam lơh geh cồng nha, di mờ jơnau pơrgon mờ lơh jat adat boh lam bơh lơgar Lào dê; ai geh bơta niam nàng lơh jat geh cồng nha ală jơnau ring bal bơh kuang bàng dờng màng, ală hiệp định lơh broă bal đah 2 Chính phủ nam 2020; pơn jat tai sền sơwì mờ dong kờl ală bơta tam gơl pa, ală bơta bơ tơl kươmàng bè cơ chế, broă lơh mờ adat boh lam nàng kờ` chồl pràn lơh broă bal bè kă bro, bơcri pria\ đah 2 lơgar.

Cau mblàng K’Duẩn