VOV4.K’ho- Drim òr (15/7), tàm hìu lơh broă Chính phủ, Thủ tướng Chính phủ ồng Nguyễn Xuân Phúc wă Đại sứ Panama, ồng Servio S. Samudio, lòt còp tơn jơh tơngai lơh broă.

Thủ tướng chờ gờm Đại sứ lơh gơs niam kơnòl broă tàm Việt Nam, geh ală bơta tă pơgồp kuơ màng tàm broă sơlơ tơnguh lơh broă bal đah 2 lơgar dê. Bơta g^t gơ\p chính trị, lơh broă mờ lơgar ndai, lơh sa, kă bro Việt Nam mờ Panama ndrờm bơtàu tơnguh niam ngan tàm tơngai lơh broă bơh Đại sứ dê. Priă lơh geh bơh broă kă bro phan 2 gah dê neh gơguh 30% pơn ndrờm mờ nam 2014 tu\ Đại sứ sơn đờm mut lơh broă. Lơh broă bal tàm ală gah niam chài rơgơi, nhơl chờ, bơto bơtê geh 2 gah sền gròi mờ sơlơ tơnguh.

Thủ tướng đơs ngan, Việt Nam sền dờng màng sơlơ tơnguh g^t gơ\p mờ ală lơgar Mỹ Latin đơs bal mờ Panama đơs is; sồr 2 gah sơlơ tơnguh lơh broă bal kă bro, bơcri priă, dùl gah broă lơh gam geh bơta pràn uă ngan. 2 gah pal pơn jat tai sơlơ tơnguh cribơyai lơh tus ki\ ală sră nggal lơh broă bal nàng kờ` lơh geh tơngume adat boh lam buơn boài ai lơh broă bal jo\ jòng in.

Cau mblàng K’ Hạnh