VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc wă Kuang đơng pơlam lơh broă sùm Liên hợp quốc tàm lơgar Việt Nam, ồng Kamal Malhotra.

Thủ tướng đơs niam lơh broă sùm Liên hợp quốc tàm lơgar Việt Nam tàm broă pơlam broă lơh, dong kờl kỹ thuật ai lơgar Việt Nam in tàm bơta bơtàu tơnguh tơngai lài.

Jờng rơ Liên hợp quốc pơ gồp bal, dong kờl Việt Nam rơcang sơndră kòp Covid-19, Thủ tướng đơs nền, Chính phủ Việt Nam jơh nùs, di tu\, ring bal tàm broă kơryan kòp Covid-19; Việt Nam neh hòi jà jơh mpồl lơh broă chính trị lơh bal, tus tu\ do neh sơm bời 16 nă cau bơ tờp kòp Covid-19.

Đơs tus gơ noar broă Ủy viên ờ lơh broă sùm Hội đồng Bảo an Liên hợp quốc bơh lơgar Việt Nam dê bơh bồ nam tus tu\ do, Thủ tướng đơs ngan, tàm nhai Chủ tịch, Việt Nam neh lơh geh cồng nha ua\ broă lơh, bơh hơ\ lơh gơlik bơta lơh bal mờ gơnoar broă Chủ tịch ASEAN. Tàm jơh ală broă, Việt Nam ndrờm tus bal jơh nùs, rơcang lài, mờ gùng dà broă lơh lơh broă mờ lơgar ndai lơh tờm is, jat tàm kơrnuat bơt bơtàu mờ geh kơnòl tài bơta kươ bal, tài ring lơngai, kơ\ kơljap tàm ală tiah…

Cau mblàng K’Duẩn