VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc wă Mpồl Kuang bàng Ủy ban Kă bro dunia bơh Nghị viện châu Âu dê (INTA). Tàm dơ\ wă, Thủ tướng đơs nền, Việt Nam đơs niam jơnau pơrya bơh Hiệp định Kă bro khat gơboh đah Việt Nam – EU mờ Hiệp định sền gàr, dong kờl bơcri pria\ đah Việt Nam mờ EU gơ wèt tus mờ git gơp đah Việt Nam mờ EU.

Tơnơ\ tu\ 2 Hiệp định do geh ki\ ngan ngồn tàm ngai 30/6/2019, Chính phủ Việt Nam neh đơng lam ală anih lơh broă geh gơnoar lơh sră nggal ki\ ring bal 2 hiệp định do. Thủ tướng jờng rơ broă EU sền gròi tus châu Á – Thái Bình Dương, kơp kờ` EU pơn jat tai geh gơnoar broă jơh nùs, bơt bơtàu bal tàm tiah do.

Chủ tịch Ủy ban Kă bro dunia bơh Nghị viện châu Âu dê yal, mpồl lòt còp dơ\ do neh tìp mat ală anih lơh broă geh gơnoar bơh lơgar Việt Nam dê nàng cribơyai bè broă rơcang ki\ ring bal mờ lam lơh jat ală jơnau hơ pơrgon tàm ală hiệp định mờ 2 gah neh ki\. Mơkung đơs nền, EU rơcang dong kờl bè broă bơceh broă lơh dong Việt Nam chồl pràn bơtàu tơnguh, tơnguh niam rài kis làng bol in.

Cau mblàng K’Duẩn