VOV4.K’ho-Mho òr (15/7), tàm hìu lơh broă Chính phủ, Thủ tướng Nguyễn Xuân Phúc wă mpồl lơh sa kă bro lơgar Singapore tus jòi g^t tu\ tơngai niam lơh pràn bơcri priă, lơh broă bal lơh sa tàm lơgar Việt Nam.

Mpồl lơh sa kă bro geh bơta tus bal bơh 40 nă kuang bàng ala mat, tàm hơ\ Chủ tịch Liên đoàn Mpồl lơh sa kă bro lơgar Singapore (SBF), Kuang atbồ anih lơh broă Bơtàu tơnguh mpồl lơh sa kă bro lơgar Singapore (ESG), Chủ tịch Liên đoàn lơh sa mờ ma\y mok lơgar Singapore (SMF), bal mờ kuang đơng lam bồ bàr pe Tập đoàn khà dùl lơgar Singapore dê. Lơgar Singapore tu\ do ơm dơ\ 3 bè bơcri priă tàm lơgar Việt Nam mờ rlau 2.200 rơndap broă lơh geh priă bơcri pơgap 50 tơmàn dolar Mỹ.

Thủ tướng đơs loh, pal kong mờ uă ngan bơta ơ nìam, hoàc huơr bơh rài lơh sa gùt plai ù dê, bơta g^t gơ\p kă bro dunia, lơh sa Việt Nam bơtàu tơnguh niam. Chính phủ Việt Nam jờng rơ uă ngan ală broă lơh bơcri priă lơh sa kă bro bơh mpồl lơh sa kă bro lơgar Singapore dê tàm Việt Nam.

Thủ tướng đơs ngan, Việt Nam geh ai tơl bơta buơn ai ală cau bơcri priă bơh lơgar ndai in, tàm hơ\ geh cau bơcri priă lơgar Singapore. Việt Nam jờng rơ mờ đơs niam ngan bơta mờng chài tam gơl pa, bơceh pa bơh lơgar Singapore dê, ngan là jơnau dan bơh đah lơgar Singapore bè bơtàu tơnguh ală trung tâm tam gơl pa, bơceh pa 2 lơgar dê.

Cau mblàng K’ Hạnh