VOV4.K’ho- Ồng Nguyễn Xuân Phúc Thủ tướng Chính phủ geh dơ\ wa\ rò Bộ trưởng Bộ Ngoại giao lơgar Kenya là mò Monica Juma gam lòt còp ngan ngồn dơ\ sơnrờp tus lơgar Việt Nam.

Tàm dơ\ wa\ rò, ồng Nguyễn Xuân Phúc đơs là, bơta pràn lơh broă bal đah 2 lơgar là dờng ngan mơya cồng nha lơh broă bal mìng geh dùl êt ngan lơm, priă lơh geh bơh kă bro đah 2 lơgar rơ\p mìng pa lơh geh 50 tơlak dolar Mỹ lơm tài bơh ờ tơl ală tơngume kơrnoat boh lam.

Thủ tướng sồr lơgar Kenya ai tơl bơta [ươn ai phan kă bro lơgar Việt Nam dê in geh tăc tàm drà kă bro lơgar do dê, ngan là phan sa, phan ngui sa mờ phan crăp điện tử. Mờ bàr lơgar kung pal ai ală mpồl lơh sa kă bro lòt còp bal mờ gơ\p, lùp nàng gi\t bè drà kă bro, hòi jă kă bro mờ bơcri priă.

Thủ tướng đơs nền Việt Nam tu\ lơi kung kờ` lơgar Kenya tơlik măt te\ khà ăt gơnoar broă lơgar ờ duh broă sùm tàm Hội đồng Bảo an Liên hợp quốc dê. Việt Nam tu\ lơi kung kờ` lơh kòn gùng nàng Kenya in geh tus mờ rề ơnàng lơh broă bal mờ ală lơgar ASEAN.

Thủ tướng sồr Kenya dong Việt Nam lơh bơta gi\t gơ\p mờ Mpồl Tam klac châu Phi kung bè lơh kòn gùng nàng Việt Nam tơnguh bơta gi\t gơ\p mờ ală lơgar tàm Mpồl Tam klac châu Phi.

Cau mblàng Lơ Mu K’Yến