VOV4.K’ho- Tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ wa\ rò Đại tướng ồng Zolotov Victor Vasilyevich Kuang ătbồ Anih lơh broă ling sền gàr dà lơgar Nga. Di tàm dơ\ do, Thủ tướng kơ\p kờ`, Chính phủ, làng bol Nga jăt tàm nùs nhơm gi\t gơ\p lơh bơyô bal mờ lơh broă bal ờs mờng bơh jo\ niam bơne\ đah 2 lơgar dê, pơn jăt tai sơlơ lơh broă bal tàm ală gah broă lơh.

Thủ tướng kơ\p kờ`, lơgar Nga kờ` bal nùs nhơm mờ gùng dà broă lơh bơh Việt Nam dê gơ wèt mờ broă tàm dà lềng đah mat tơngai lik; dùl nùs bal mờ Việt Nam lơh gơs niam gơnoar broă Chủ tịch mpồl ASEAN nam 2020. Anih lơh broă ling sền gàr dà lơgar Nga mờ Bộ Kuang àng Việt Nam lơh broă bal tàm ală gah broă lơh rcăng sơndră sò tơm iơh bơsak, ală cau lơh tìs.

Dùl nùs bal mờ Thủ tướng Nguyễn Xuân Phúc, Đại tướng Zolotov Victor Vasilyevich đơs nền, đah Anih lơh broă ling sền gàr dà lơgar Nga tu\ lơi kung sơlơ lơh broă bal, tam pà bal ală mờng chài bơh đah lơgar Nga dê mờ Việt Nam; tềng đăp măt 2 gah gơtùi lam lơh broă bal tàm ală gah broă lơh măy mok gah lơh broă do dê.

Cau mblàng Lơ Mu K’Yến