VOV4.K’ho- Mho 20/12, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ wa\ rò Kuang đơng lam bồ Bộ Quốc phòng ală lơgar, mpồl ling ală lơgar: Brunei, Campuchia, Lo, Indonesia, Lào, Malaysia, Myanmar, Nga, Singapore mờ Thái Lan tus bal Dơ\ bơyai lơh tơngkah 75 nam Ngai crơng gơs Mpồl ling klàng làng bol Việt Nam, 30 nam Ngai chờ jơh gùt làng bol sền gàr dà lơgar.

Đơs tàm dơ\ wa\ rò, ồng Nguyễn Xuân Phúc Thủ tướng Chính phủ đơs nền, gùng dà broă lơh sền gàr dà lơgar Việt Nam jăt jơnau đơs sền gàr ring lơngai, sền gàr is mờ pơn jăt tai geh đơs nền tàm Sră kò Sền gàr dà lơgar Việt Nam nam 2019 pa geh yal. Việt Nam ờ tu\ lơi tam gơl gùng dà bơsong ală broă gam gơkòl, bơta ờ ring bal mờ tam pìt tam phà bơh broă lơh ring lơngai.

Chính phủ mờ làng bol Việt Nam đơs niam ngan cồng nha lơh broă bal sền gàr dà lơgar tàm tơngai lài đah ală lơgar mờ Việt Nam, geh bal bè 2 gah mờ uă gah. Thủ tướng sồr ală lơgar pơn jăt tai dong kờl nàng Việt Nam nam 2020 dờp kơnòl lơh geh cồng nha gơnoar broă Chủ tịch ASEAN mờ dờp lơh kơnòl broă lơgar ờ duh broă sùm tàm Hội đồng Bảo an Liên hợp quốc.

Cau mblàng Lơ Mu K’Yến