VOV4.K’ho- Mho òr, 6/9, tàm hìu lơh broă Chính phủ, wă Thống đốc bang Nebraska (Mỹ), ồng John Pete Ricketts gam ơm còp lơgar Việt Nam, Thủ tướng Chính phủ ồng Nguyễn Xuân Phúc đơs nền Việt Nam sùm sền lơgar Mỹ là dùl tàm ală lơgar lơh broă bal kuơ màng mờ lam lài.

                        Thủ tướng Nguyễn Xuân Phúc mờ Thống đốc bang Nebraska (Mỹ)

Thủ tướng Nguyễn Xuân Phúc jờng rơ Thống đốc mờ ală kuang bàng tàm mpồl lòt còp Việt Nam; pin dờn tơnơ\ dơ\ lòt còp do, Mpồl geh sền wă uă tai bè dà lơgar, kòn bơnus mờ broă lơh tam gơl pa bơh Việt Nam dê; pơgồp bơnah sơlơ tơnguh bơta g^t gơ\p bal đah 2 lơgar, kuơ màng là tàm gah lơh sa, kă bro mờ bơcri priă.

Thống đốc Pete Ricketts pà g^t, bang Nebraska geh bơta pràn tăc poac kơn rồ mờ lơgar ndai dờng ngan rlau jơh lơgar Mỹ dê; priă lơh geh bơh broă tăc poac kơn rồ tus mờ lơgar Việt Nam neh gơguh pràn, uă rlau 3 dơ\ pơn drờm mờ lài do. Bang Nebraska geh bơta pràn bè lơh sa suơn sre mờ ồng neh cribơyai broă lơh broă bal tàm gah do mờ ală anih lơh broă, gah sơnah lơh broă Việt Nam dê. Ồng kung sồr bơyai lơh dùl dơ\ pơrjum hòi jà bơcri priă nàng cribơyai kă bro 2 lơgar tàm bang Nebraska tàm tơngai bè tu\ do, Việt Nam geh uă ngan tu\ tơngai niam gơ hòi gơ jà bơcri priă bơh lơgar ndai.

Cau mblàng K’ Hạnh