VOV4.K’ho- Drim òr 26/9, ồng Nguyễn Xuân Phúc Thủ tướng Chính phủ tus bal Pơrjum pờ tơn tàm internet gùt lơgar bè sồr tam pà mờ ai priă jền bơcri dà lơgar nam 2019.

Đơs tàm dơ\ sơnđờm mu\t pơrjum, Thủ tướng đơs loh, bơcri priă dà lơgar tă pơgồp uă tàm gơguh lơh sa, bơtàu tơnguh lơh sa- mpồl bơtiàn bơh dà lơgar dê, ngan là ală broă bơ\t bơtàu phan bơna kuơmàng.

Mơya, bơta lơyaì ai priă jền bơcri priă dà lơgar bơh mờr jơ\t nam do neh lơh gơlik bơta kơryan gơ wèt mờ rài lơh sa. Ngan là nam do ai priă jền dùl êt, digơlan lơh gơlik uă jơnau gơlời wơl, Thủ tướng neh song dơ pă yal 4 jơnau gơlời wơl dờng tài bơh lơyaì ai priă bơcri dà lơgar.

Thủ tướng sồr pal lơh loh rlau ală jơnau gơtùi gi\t lài, jơnau ờ rơcăng lài bơh broă lơyaì ai priă jền dê, geh ală gùng dà broă lơh geh kuơ ngan ngồn, loh làng, pràn kơldang rlau nàng broă lơh ai priă jền gơ in niam rlau tu\ gam 3 nhai tai là jơh nam 2019.

Thủ tướng kung đơs wih đơs wơl là, lơh ngan jơh nùs koh priă jền, tam gơl priă jền bơh ală broă lơh, rơndăp broă lơh bơh bộ, gah sơnah lơh broă mờ ală tiah ờ gơtùi ai geh priă jền nàng ală bộ, gah sơnah lơh broă mờ ală tiah ndai in ngui geh cồng nha, di tu\ rlau.

Cau mblàng Lơ Mu K’Yến