VOV4.K’ho – Drim òr (9/8), Thường trực Ban Bí thư ồng Trần Quốc Vượng  neh geh dơ\ lòt còp mờ lơh broă tàm Mpồl lơh sa sền gàr dà lơgar Quảng Sơn, kơnhoàl Dak G’long, càr Dak Nông.

Ồng Trần Quốc Vượng jờng rơ uă kơnòl broă mờ Mpồl Lơh sa sền gàr dà lơgar Quảng Sơn dê lơh jat tàm tơngai pa do. Pơn rơ ngan là broă pơgồp bal mờ gơnoar atbồ tiah do bơyai lơh kơ\ kơl jap rài kis ai làng bol ntrờ` ơm kis khat gơboh in; lơh jat niam broă lơh atbồ sền gàr brê…

Ồng Trần Quốc Vượng sồr Mpồl lơh sa sền gàr dà lơgar Quảng Sơn pơn jat tai pơgồp mờ tiah do sùm rềp mềr mờ làng bol, dong kờl rài kis làng bol in ngai sơlơ bơtàu tơnguh. Pơgồp bal bơt bơtàu ală broă lơh chính trị, ală mpồl cau kơ\ kơl jap, bơt bơtàu mpồl tàm klăc dờng gùt làng bol. Bal mờ sền gàr niam broă atbồ brê, hòi jà làng bol tam brê, pơn jat tai bơto pơlam làng bol in bơta chài lơh sa, hòi jà làng bol lơh jat rài kis ngac ngar jak chài. Lơh jat niam kơnòl lơh sa sền gàr dà lơgar, sền gròi hìu bơnhă kuang bàng chính sách, công nhân lơh broă in.

Cau mblàng K’ Hạnh