VOV4.K’ho- Mho òr 7/8, tàm [òn dờng Kon Tum, Ủy viên Bộ Chính trị, Thường trực Ban Bí thư Đảng dà lơgar ồng Trần Quốc Vượng mờ Mpồl kuang bàng neh lơh broă mờ Tỉnh ủy Kon Tum bè cồng nha tơnơ\ rlau 3 nam lam lơh jat Kơrnoat Pơrjum dờng dơ\ 12 bơh Đảng dê mờ Kơrnoat Pơrjum dờng dơ\ 15 Đảng bộ càr Kon Tum dê.

Ồng Trần Quốc Vượng cih dờp mờ jờng rơ ngan cồng nha mờ càr Kon Tum lơh geh tàm tơngai lài. Pơnrơ là neh gàr kơ\ mờ lơh jat niam nùs nhơm tam klac, bơ\t bơtàu geh uă Kơrnoat geh bơta tam gơl sơrbac mhar tàm bơtàu tơnguh lơh sa- mpồl bơtiàn bơh càr dê.

                Thường trực Ban Bí thư ồng Trần Quốc Vượng lơh broă mờ Tỉnh ủy Kon Tum

Bè lơh sa, càr Kon Tum gơguh kờp bal pah nam geh 8,7%, priă lơh geh kờp bal dùl nă cau là rlau 1.700 dolar Mỹ tàm lồi nam 2018, jơnhoa rlau mờ jơnau sồr. Bơh sơnrờp càr neh crơng gơs geh bàr pe tiah mờng tam tờm chi lơh sơnơm, biăp bơkàu tiah mrềt…

Ồng Trần Quốc Vượng sồr Tỉnh ủy Kon Tum kờp sền, lơh ngan lơh geh ală jơnau kờ` mờ broă rơndăp lơh neh ai. Càr pal sền gròi kờp sền, rcăng kuang bàng ai pơrjum dờng in mờ bơyai lơh pơrjum dờng dùl bă niam bơne\, ngan là sac rwah ală kuang bàng geh bơta kơ\ dơn chính trị, geh nùs nhơm bồ tơngoh niam, lơh krơh tàm [òn lơgar nàng tus bal lơh broă tàm ală kấp ủy tơngai lơh broă tus.

Lài hơ\, ồng Trần Quốc Vượng bal mờ Mpồl kuang bàng Dà lơgar neh lòt sền ngan ngồn tàm kơnhoàl nhàr lơgar Ngọc Hồi, lòt còp mờ pà phan ală hìu bơnhă chính sách tàm xã Pờ Y in.

Cau mblàng Lơ Mu K’Yến