VOV4.K’ho – Mho òr (13/8), tàm hìu lơh broă Chính phủ, Thường trực Chính phủ pơrjum ai jơnau đơs bè broă rơndap lơh tam pà bơnah priă 10 rbô tơmàn bơh priă tam gơl tơmù priă bơcri, kờp du\ ai ală rơndap broă kuơ màng dà lơgar in bơh broă rơndap lơh bơcri priă dà lơgar tơngai dimơ, tơngai bơh nam 2016 tus nam 2020.

Thủ tướng Chính phủ tơngkah, Ủy ban Thường vụ Quốc hội neh ring bal ai sră cih mat ală rơndap broă rơcang sơndră jơnau gơ lời wơl bơh trồ tiah lơh aniai, ai ù drơng ală rơndap broă lơh jal mhar in.

Bộ Kế hoạch mờ Đầu tư sồr tă priă bơcri ai broă ai ù drơng 2, 3 rơndap broă lơh gùng rơndeh ntoat rat kuơ màng, ală rơndap broă lơh jal mhar gơ wèt gah lơh sa suơn sre, rơcang sơndră trồ tiah lơh aniai.

Tềng đap broă tu\ do geh 2, 3 jơnau đơs krơi is bè broă tam pà lam lơh broă rơndap lơh priă bơcri dà lơgar tơngai dimơ, Thủ tướng sồr Bộ Kế hoạch mờ Đầu tư pal yal loh làng, yal tơl làm tus Chính phủ, Quốc hội, ală anih lơh broă geh gơnoar mờ mpồl bơtìan in bè broă Chính phủ neh lơh jat di ală Nghị quyết bơh Quốc hội dê, jơnau cih bơh adat boh lam dê, gàr niam bơta loh làng, song dơpă, ờ geh bơta kuơ mpồl, sa kuề sa kùa, hoàc huơr.

Tàm hơ\, lài ngan là tă priă bơcri ai ală rơndap broă tơn jơh jơgloh tơmù r[ah; ală tiah kong hoàc huơr tài bơh trồ tiah lơh aniai, dà ko\ dà cò; ală kơnòl broă chồl pràn bơtàu tơnguh lơh sa mpồl bơtiàn.

Cau mblàng K’Duẩn