VOV4.K’ho - Mho òr (24/2), Thủ tướng ồng Nguyễn Xuân Phúc đơng lam dơ\ pơrjum Thường trực Chính phủ bè broă jào kes priă Dà lơgar lơh jăt broă atbồ, lơh kơl jăp wơl broă lơh gùng rơndeh ồs dà lơgar, dùl kơnòl geh Tổng công ty Đường sắt Việt Nam lơh bơh lài tus tu\ do.

                                           Thủ tướng ồng Nguyễn Xuân Phúc đơng lam dơ\ pơrjum 

Tơnơ\ mờ tu\ iăt ală jơnau đơs, Thủ tướng đơs tòm, bơta lơngăp lơngai ờ do ờ dă gùng rơndeh ồs là broă kuơ màng, gơrềng tus mờ màng kis, phan bơna làng bol dê.

Gah lơh gùng rơndeh ồs geh uă bơta krơi is, gơdờp bơta gơrềng bal bơh uă adăt bè adăt kes priă, phan bơna dà lơgar, adăt gùng rơndeh ồs; geh broă lơh gùng pơrgan, gùng lòt pờ is gan gùng rơndeh ồs kal ke.

Thủ tướng Chính phủ sồr Bộ Giao thông Vận tải, Bộ Tài chính bal mờ ală bộ, gah lơh broă dà lơgar gơrềng bal, ring bal geh broă lơh mhar kờ` bơsong kal ke bè khà broă atbồ, lơh kơl jăp wơl broă lơh gùng rơndeh ồs dà lơgar, ờ lời gơbàn tus mờ rài kis cau lơh broă; mờ pal gàr niam broă lơh di, lơh jăt kơrnoăt adăt boh lam, di lah geh bơta lơi, yal mờ gah lơh broă geh gơnoar di mờ kơrnoăt geh ai.

Cau mblàng Ndong Brawl