VOV4.K’ho – Thường trực Tỉnh ủy Dak Lak geh dơ\ lơh broă mờ Văn phòng Tỉnh ủy bè broă lam lơh rơndap broă lơh Văn phòng drơng broă bal bơh Ban Thường vụ Tỉnh ủy dê.

Cribơyai tàm dơ\ lơh broă, kuang đơng lam bồ ală Ban mờ Văn phòng Tỉnh ủy neh cribơyai, ring bal lam lơh rơndap broă Văn phòng drơng broă bal bơh Ban Thường vụ Tỉnh ủy dê jat gùng dà broă lơh bal hia\ mpồl kuang bàng duh broă; wèt tus bơt bơtàu broă lơh số hóa ală sră nggal geh gơ rềng nàng Văn phòng in lơh jat.

Sền gròi kờp sền bằng bơsram, atbồ sră nggal, photo sră nggal bơh kuang bàng, cau lơh broă dê, sền wơl pràn jak drơng broă bơh mpồl kuang bàng tu\ do dê.

Ồng Bùi Văn Cường, Bí thư Tỉnh ủy Dak Lak sồr: Tơngai tus, Văn phòng Tỉnh ủy pal sền gròi tus broă tơr gùm, git broă lơh sa mpồl bơtìan, sền gàr lơngap lơngai chính trị càr nàng cribơyai ua\ rlau tai mờ Thường trực Tỉnh ủy, Ban Thường vụ Tỉnh ủy; sền gròi tơnguh bơta niam mpồl kuang bàng, công chức; sơlơ tơnguh nùs nhơm lơh jat kơrnuat lơh broă, sền gàr chính trị tàm dơlam is.

Cau mblàng K’Duẩn