VOV4.K’ho-Là kòn bơh cau Sơdàng dê deh mờ dờng tàm kơnhoàl ù tiah nhàr lơgar xã Rờ Kơi, kơnhoàl Sa Thầy, càr Kon Tum dê, Thượng úy A Hí, nam do 32 sơnam, Trung đội trưởng Đại đội pơlam tàp, Tiểu đoàn pơlam tàp- Cơ động, Mpồl ling sền gàr tiah nhàr lơgar càr Kon Tum geh dùl bơta kờ` gơboh uă ngan mờ tiah nhàr lơgar bơh Dà lơgar dê.

Sùm lơh ngan bơsram tàp, lơh jat niam broă bơsram mờ lơh jat nùs nhơm, bồ tơngoh, rài kis mờ broă lơh Hồ Chí Minh dê mờ dơ\ lam sồr “Lơh jat bơhiàn, tă pơgồp bơta jak, dipal mờ mat sơnđan Cau ling Wa Hồ”, Thượng úy A Hí geh oh mi tàm mpồl ling pin dờn kờ` gơboh, kuang bàng, cau ling pin dờ` tàm broă lơh, là krơh àng bơh Mpồl ling sền gàr tiah nhàr lơgar càr Kon Tum dê lơh jat jơnau Bác Hồ bơto sồr.

 Tàm Tiểu đoàn pơlam tàp- Cơ động, Mpồl ling sền gàr tiah nhàr lơgar càr Kon Tum, đơs tus Thượng úy A Hí, Trung đội trưởng Đại đội pơlam tàp, bơh kuang đơng lam bồ tus dì ală cau pa lòt ling ndrờm ai lơh chờ hờp ngan bè dùl nă oh mi, cau tàm mpồl bal bơh he dê.

Là cau kòn bơh làng bol kòn cau Sơdàng dê, deh mờ dờng tàm kơnhoàl ù tiah nhàr lơgar xã Rờ Kơi, kơnhoàl Sa Thầy, càr Kon Tum, Thượng úy A Hí geh bơta kơ\ kơl jăp cham pràn tềng đah trồ tơngai, càl dờng mờ gi\t wa\ ngan ală bơta kal ke, bòl glar mờ tơl nă kuang bàng, cau ling tàm mpồl ling pal sơrlèt gan.

Tài bơh bè hơ\, den tàng Thượng úy A Hí sùm là anih kơldìng nùs nhơm bơh kuang bàng, cau ling tàm mpồl ling dê, ngan là gơ wèt mờ cau ling pa lòt ling. Binh nhì Hoàng Thế Vũ, [òn tờm càr Thanh Hoá, mu\t ling bồ nam 2019 đơs bè cau atbồ bơh he dê bè do:        

Bi A Hí, Trung đội trưởng geh dùl rài kis niam, lơh jat adat boh lam, jơh nùs mờ broă lơh mờ geh kơnòl uă tàm broă lơh. Trung đội trưởng sùm kis gơ tam klac bal, gi\t wa\ geh ală bơta kal ke, jơnau kơlôi sơnơng, bơta kơ\p kờ` mờ di tu\ tă bơsong geh ală kòl yan kal ke hơ\. A` lùp bơsram geh krơh bi A Hí dê, là ngan là bè nùs nhơm bồ tơngoh, ơm kis niam, song dơ pă, sàng goh. Dơ\ bàr là bè bơta jơh nùs, duh hồl ngan, geh kơnòl ngan tàm broă lơh. Sùm gàr geh bơta tam klac tàm mpồl ling.

                                            Tơryăng ngan bơsram sră, kơlôi sơnơng tàm broă lơh

Bơh nam 2010 tu\ sơnđờm mu\t lơh broă tàm Mpồl ling sền gàr tiah nhàr lơgar geh bơsram tàp tàm Tiểu đoàn 19, tơnơ\ hơ\ bơsram tàm Học viện Biên phòng…Tus nam 2017, tu\ geh ntrờ` rê lơh broă tàm Tiểu đoàn pơlam tàp- Cơ động, Mpồl ling sền gàr tiah nhàr lơgar càr Kon Tum, tàm jơh ală tu\ ngai bơsram broă, bơsram tàp, den Thượng úy A Hí sùm lơh jat niam broă bơsram mờ lơh jat nùs nhơm, bồ tơngoh, rài kis mờ broă lơh Hồ Chí Minh dê kung bè dơ\ lam sồr “Đòm jat bơhiàn, tă pơgồp bơta jak, dipal mờ mat sơnđan Cau ling Wa Hồ”.

Bơh tơl tơngume geh bơsram, Thượng úy A Hí sùm tàp tàm broă lơh ngan ngồn tàm rài kis mờ tàm broă ơm kis pah ngai nàng lơh jat. Đại úy Cao Anh Quốc, Chính trị viên Tiểu đoàn pơlam tàp- Cơ động, Mpồl ling sền gàr tiah nhàr lơgar càr Kon Tum pà gi\t, tàm gơnoar broă Chi ủy viên, Phó Bí thư Chi đoàn, Thượng úy A Hí, Trung đội trưởng Đại đội pơlam tàp- Cơ động sùm rcăng lài kơlôi sơnơng lam lơh jat tơnguh jơnhoa bơta niam tàm broă lơh bơto bơtê chính trị, nùs nhơm bồ tơngoh, bơsram tàp ai cau ling pa in. Sùm lam lài tàm broă lơh jat lơh krơh bơh cau kuang bàng, đảng viên dê nàng kuang bàng, cau ling kấp hơđơm in sền, bơsram mờ lơh jat.

Bi A Hí là dùl nă cau bal mờ gơnoar broă pơnrơ ngan tàm nùs nhơm bồ tơngoh, rài kis kung bè tàm broă lơh jat adat boh lam mờ tàm tu\ lơh jat gơnoar broă kơnòl broă geh jàu. Mờ gơnoar broă là dùl nă Trung đội trưởng at gơnoar broă pơlam tàp cau ling pa, bi A Hí neh tơngo\ geh he là dùl nă kuang bàng đảng viên lam lài lơh krơh tàm rài kis, tàm tu\ boh bơr mờ tàm bơta gi\t gơ\p ơm kis boh bơr mờ kuang bàng kấp hơđang kung bè kấp hơđơm.

Bal mờ gơnoar broă là dùl nă kuang bàng dờp lơh kơnòl broă pơlam tàp, bi Hí gi\t geh jơnau gi\t wa\, kơlôi sơnơng bơsram tàp ală jơnau gi\t wa\ pa mờ lơh gơs gơtùi ơdu\ pơlam tàp cau ling pa lơh geh cồng nha. Bi Hí kung khin cha ngan, khin kơlôi, khin lơh, khin dan tàm broă lơh pơlam tàp.

                                Thượng úy A Hí lam lơh jat kơnòl broă ai cau ling pa mu\t ling in

Geh kuang atbồ mpồl ling pin dờn, jàu kơnòl tờm tàm broă pơlam tàp bơta pràn să jan ai cau ling pa in, Thượng úy A Hí rwah môn re dà nàng lơh geh bơta tam gơl sơrbac mhar. Mờ jơnau gi\t wa\ neh geh bơsram bal mờ bơta mờng chài gi\t geh bơh ală dơ\ tus bal Pơrlòng tàp pràn să jan kấp Bộ Chỉ huy, kấp Bộ Tư lệnh, Thượng úy A Hí dan uă broă lơh nàng tơnguh jơnhoa cồng nha broă lơh pơlam tàp. Bè bơto pơlam bơta chài lơh tàp, ală broă lơh pơlam tàp, broă lơh gàr niam ờdo ờdă, rcăng ală anih re dà, anih nàng tàp bơta chài hơđơm dà…

Kơnờm geh broă lơh pơlam tàp dipal, 100% cau ling pa tàm mpồl ling gi\t re dà, rlau 80% neh chài broă re dà bè ki\t. Tàm dơ\ pơrlòng sền swì broă lơh pơlam tàp pràn să jan, Mpồl kuang bàng bơh Cục Quân Huấn, Bộ Tổng Tham mưu dê neh tơrgùm sền swì tơngum re dà bơh Tiểu đoàn pơlam tàp- Cơ động dê mờ jờng rơ ngan cồng nha pơlam tàp bơh mpồl ling do dê. Đơs bè broă bơsram mờ đòm jat Bác Hồ bơh he dê, Thượng úy A Hí pà gi\t:

Broă bơsram mờ lơh jat Bác Hồ gơ wèt mờ să tờm a` den gơlơh kờ` ngan rlau jơh hơ\ là pơndềt să, song dơ pă, khin cha. Pe bơta hơ\ neh sùm tơngkah a` tàm rài kis. Kơno đơs den là dềt rơhền ngan mơya lơh jat den ờ go\ [ươn dùl êt lơi. Bơsram jat Bác Hồ den pal geh bơh jơnau gi\t wa\ is, geh nùs nhơm lơh is mờ tơngo\ bơh ală broă lơh geh kuơ ngan ngồn. Bơsram lơh jat Bác Hồ den să tờm a` lơh is, gi\t wa\ is lơh jat. Pal lam lài lơh krơh lài, bơr đơs tê lơh. Bơsram jat oh mi, cau ling bal tàm jơh ală tu\ jơh ală tiah nàng tơnguh jơnhoa pràn jak tàm broă lơh.

                                             Chờ hờp bal mờ cau ling pa

Bơsram jat Bác Hồ pah ngai mờ tàm ală broă dềt rơhền tơn, Thượng úy A Hí, Trung đội trưởng Đại đội pơlam tàp- Cơ động, Mpồl ling sền gàr tiah nhàr lơgar càr Kon Tum neh lơh geh uă broă niam ai mpồl ling mờ tiah mpồl ling lơh broă in. Ală broă lơh, bè: dong [òn lơgar àng sơndah, tơlir- sàng goh- niam; geh nùs nhơm lơh broă dong kờl is tài [òn lơgar, prăp gàr jơtài phan bơna, ngui tềm pềr đèng…ndrờm geh bơnah tă pơgồp bơh Thượng úy A Hí dê.

Bal mờ ală cồng nha lơh geh, nam 2018 Thượng úy A Hí geh Gah đơng lam Mpồl ling sền gàr tiah nhàr lơgar dà lơgar dê pà Bằng khen tàm tu\ lơh jat dơ\ tàm pơrlòng dờng màng tơngkah kir sơnrai 70 nam Ngai Chủ tịch Hồ Chí Minh geh jơnau hòi jà tàm pơrlòng kờ` gơboh dà lơgar; lơh geh sră jờng rơ Cau tàm pơrlòng jak kơnă hơđơm; nhai 6 nam 2019 pa do geh Ban Tuyên giáo dà lơgar jờng rơ cau pơnrơ bè Broă bơsram mờ lơh jat nùs nhơm, bồ tơngoh, rài kis mờ broă lơh Hồ Chí Minh dê; Bằng khen bơh Thủ tướng Chính phủ dê tài bơh neh geh cồng nha jak ngan tàm broă bơsram mờ lơh jat nùs nhơm, bồ tơngoh, rài kis mờ broă lơh Hồ Chí Minh dê tơngai bơh nam 2016- 2019 pơgồp bơnah tàm broă lơh bơ\t bơtàu Chủ nghĩa Xã hội mờ Sền gàr Dà lơgar.

Cau mblàng Lơ Mu K’Yến