VOV4.K’ho - Jăt jơnau yal lài, pơrjum dơ\ 44 geh sơn đờm lơh tàm drim ngai 20 nhai 4, Uỷ ban Thường vụ Quốc hội geh ai pơgồp jơnau đơs tàm rơndăp broă atbồ bơcri priă jăt broă lơh dà lơgar mờ làng bol lơh bal; rơndăp broă adăt ơruh pơnu (tam gơl); rơndăp broă adăt cau lơh broă lơgar Việt Nam lòt lơh broă hờ lơgar bơdìh jăt hợp đồng (tam gơl); rơndăp broă adăt tam gơl, bơtơl ờ uă bơta tàm adăt sền gàr tiah kis; rơndăp broă adăt ring bal dunia.

Uỷ ban Thường vụ Quốc hội kung geh pơgồp jơnau đơs bè: broă rơcang pơrjum dơ\ 9 Quốc hội; rơcang broă bơ\t bơtàu adăt boh lam, kơrnoăt sồr nam 2021 bơh Quốc hội; jơnau yal cồng nha sền gròi jăt tơngu me “Broă lơh jăt broă dong kờl, adăt boh lam bè rơcang sơndră mờ sơgràm aniai kơnòm dềt”; pơgồp jơnau đơs (dơ\ 2) bè broă lơh niam khà jào khà priă lơh broă gơwèt mờ đah tă dia mờ đah Hải quan tơngai bơh nam 2016 tus 2020; broă tam gơl dùl bơnah khà priă gàr niam broă lơh bơh đah tă dia tus mờ đah prăp gàr dà lơgar, Uỷ ban chứng khoán dà lơgar mờ Học viện Tài chính; jơnau yal bơh Chính phủ bè broă lơh jăt tềm pềr, sơndră mờ hoàc huơr nam 2019.

Cau mblàng Ndong Brawl