VOV4.K’ho – Gam tàm tơngai duh ngan bơh kàl prang dê, ua\ bă brê tàm Tây Nguyên gam ơm tềng đap jơnau digơlan gơlik geh ồs sa khat tàm tu\ lơi. Tàm tiah sền gàr brê bơnơm Ea Sô, kơnhòal Ea Kar, càr Dak Lak, mpồl kiểm lâm, kuang bàng sền gàr brê gam lơh ngan rơcang sơndră ồs sa.

Dà croh, dà dờng soat jơh. Ală bă brê ro ra` jơh tơn. Trồ tơngai duh sùm lơh nhơt ru\ rơm bơh Tiah sền gàr brê Ea Sô dê ro jơh, [uơn ngan gơbàn ồs sa. {àng yal lài tàm gùng creh pơr hê kấp 5 – là kấp ngòt rơngơt ngan.

Tiah sền gàr brê bơnơm Ea Sô ơnàng rlau 26 rbô 800 lồ, tàm hơ\ geh 21 rbô 600 lồ geh sền gàr nền nòn ngan. Do là tiah geh ua\ bơta jơi phan kis, chi che digơlan ờ gam geh tai bè: dáng huơng plai dờng, cà tè, cẩm lai, trắc, gơ bai, kơn rồ brê, il,… Bơta kal ke ngan rlau jơh gơ wèt mờ mpồl kiểm lâm tàm tiah sền gàr brê bơnơm Ea Sô tu\ do ờ di là bol blơ\ kơl mus brê, mơ là ồs sa.

Ồng Lê Đắc Ý, Kuang atbồ Hạt kiểm lâm tiah sền gàr brê Ea Sô pà git: Tu\ do, tiah sền gàr do geh 5 rbô lồ brê nhơt, 600 lồ brê tam, digơlan gơbàn ồs sa khat tàm tu\ lơi. Mpồl kiểm lâm, cau sền gàr brrê bơh tiah do dê mìng geh pơgap 60 nă cau. Tu\ do, mpồl lam sồr ua\ ngan rlau jơh mpồl cau ơm gak, sền gàr  brê, ờ ơm rlô lơh broă, ờ huan pơrjum, jơh ală ndrờm tơr gùm tàm broă rơcang sơndră ồs sa.

Ồng Nguyễn Quốc Hùng, Phó Kuang atbồ Hạt Kiểm lâm tiah sền gàr brê Ea Sô pà git: Bơh lài kàl prang, mpồl neh ai ma\i mok lơh git nđờ rhiang kơi sồ gùng pơng gàr kơryan ồs  mờ kờp jơh bă brê sền gàr mờr 80 lồ. Nàng tơrmù [à jơnau digơlan gơlik geh ồs sa dờng, mut tàm kàl prang duh, mpồl neh rơcang lài lam lơh broă “chu brê geh jơnau sồr”, “sơlơ ai mpồl lơh broă ơm gak ngai mang tàm ală hìu kù”, mơkung gròi sền ală gơl gùng ờ huan ai cau mut tàm brê:

“Tơngai prang duh do den broă lơh atbồ, sền gàr brê tàm tiah sền gàr brê Ea Sô kal ke ngan mờ ua\ bơta lòng, bơta kal ke. Jơnau digơlan gơlik geh ồs sa brê là dờng ngan. Mpồl neh bơt bơtàu broă rơndap lơh atbồ, sền gàr brê, jàu ală mpồl in sơlơ tơnguh broă lòt sền, gròi sền tàm ală bă tiah digơlan gơlik geh ồs sa ua\; sơlơ ai cau lơh broă tus ală tiah [uơn gơlik geh ồs sa. Ală bă tiah rềp nhàr mờ Gia Lai, Phú Yên. Tàm hơ\, ală bol blơ\ sùm mut tàm tiah sền gàr brê nàng kơl mus. Tềng đap bơta kal ke dờng bè hơ\, den tu\ do mpồl sền gàr brê Ea Sô sồr ală mpồl sơlơ tơnguh broă atbồ, sền gàr brê, sơlơ lòt sền, gròi sền tàm ù tiah geh jàu kơ nòl”.

Tàm trạm sồ 5 là trạm ơm tàm tiah nhàr đah 3 càr Dak Lak, Gia Lai mờ Phú Yên, bơdìh mờ broă sơlơ tơnguh rơcang sơndră ồs sa, mpồl lơh broă tàm do gam pal lơh ală dơ\ lòt sền, kơryan ală cau mut tàm brê kơl mus dơm chi, ting mòc phan brê. Tàm tiah do, ală gùng pơng gàr kơryan sồr geh lơh niam ngan, ală hìu kù ơm gak geh cau lơh broă sùm ngai mang, tu\ lơi kung rơcang tam dră di tu\ mờ ală bơta gơlik geh.

Ồng Võ Đức Minh, atbồ trạm sồ 5 pà git: Mpồl lơh broă trạm dê hơ pơrgon là ờ lời gơlik geh ồs sa dờng tàm tiah mờ he atbồ:

“Bơta krơi is bơh trạm sồ 5 do dê là anih tờm bơh tiah sền gàr brê dê den tàng bơta kal ke rơcang sơndră cau mut tàm brê ua\ ngan, khi mut jat ua\ gùng bơh dà dờng, dòr bơ nơm. Broă lơh oh mi dê bòl glar ngan, lòt sền gròi gơtìp ua\ ngan kal ke. Gơ jat tàm tơl bă tiah, bol a` pal sùm lòt sền mờ broă lòt jơng ờ gơtùi đì rơndeh ma\i. Mơya oh mi bol a` kung gam đềt mềr mờ brê”.

Cau mblàng K’Duẩn