VOV4.K’ho – Mờ bơta krơi is là tiah nhàr dà lơgar, khà làng bol kòn cau geh tus 78%, bơta sơn đờm ờ pràn, mơya ală nam do, broă lơh sa mpồl bơtìan tàm xã Krông Na, kơnhòal Buôn Đôn càr Dak Lak neh geh bơta tam gơl niam ngan. Gơtùi lơh geh bơta do, bal mờ bơta sền gròi bơcri pria\ bơh dà lơgar dê, bơta lơh ngan bơh gùt làng bol dê, gơnoar đơng lam bồ bơh Đảng bộ xã dê geh ai tơnggo\ loh làng ngan, tàm hơ\ cau geh Đảng kòn cau M’nông geh gơnoar broă kuơmàng ngan.

Ală ngai bồ kàl prang tàm Tây Nguyên, ù tiah nhàr dà lơgar Buôn Đôn, càr Dak Lak kung gam dà tơlir bơh brê bơnơm mờ ală bơta chi tam dê. Bal mờ gùng lă cài geh lơh tus tiah nhàr dà lơgar, lòt gan [òn Drang Phôk, ua\ gơl gùng bê tông rê tus ală [òn kung neh geh lơh gơs bơh broă lơh bơt bơtàu [òn lơgar pa.

Se\ còp hìu bơnhă ồng bèp Phương ơm tàm [òn Đôn, xã Krông Na tu\ ồng gam sơngka sền gàr suơn biap tềng đap hìu. Yal bè rài kis bơh làng bol tàm [òn dê, bèp Phương pà git, tu\ do neh tam gơl ua\ ngan pơn drờm mờ ală nam lài. Gơtùi geh bơta do là kơ nờm bơta đơng lam bồ bơh Đảng ủy xã dê, tơl chi bộ ndrờm geh nghị quyết mờ tơngume mùl màl nàng bơtàu tơnguh tơl bơta. Bèp Phương pơn iờ să ngan tàm hìu bơnhă geh tus 8 nă cau geh đảng, cau lơi kung lơh krơh niam tàm broă lam lơh jat gùng dà, broă lơh bơh đảng dê: “Pơn drờm mờ lài den tu\ do neh tam gơl ua\ ngan, làng bol neh git sơ nơng niam rlau, sang te\ ală bơhìan ờ niam, tơnguh ală niam chài bơh jo\ niam bơne\, kòp tê jê să den tus hìu sơ nơm ntum. Lài do, piang sàu àu soh ờ geh, tus tu\ do den geh broă lơh dong kờl den làng bol kơlôi rơcang is lơh sa, geh piang sàu àu soh wil tơl. Đảng mờ dà lơgar geh broă lơh dong kờl tus rài kis làng bol dê tàm broă bơsram sră ală sau dê; rài kis làng bol tàm tiah do đơs bal là niam ngan. Geh bơta do dùl bơnah là tài gơnoar đơng lam bồ bơh Đảng dê sền gròi niam tus rài kis làng bol in”.

Mò Nang Bun Xóm, Phó Bí thư Đảng ủy xã Krông Na, kơnhòal Buôn Đôn, càr Dak Lak pà git: Đảng bộ tu\ do geh mờr 200 nă cau geh đảng, tus bal pơrjum tàm 14 chi bộ gơ wèt Đảng bộ, tàm hơ\ cau geh đảng là kòn cau M’nông geh mờr 40 nă. Mpồl cau geh đảng là ală cau tờm ngan, lam lài tàm broă lơh sa. Ai tơnggo\ loh làng ngan rlau jơh là tàm srơh bơt bơtàu [òn lơgar pa, xã neh lam lơh wơl broă lơh sa, lơh niam suơn sre, bơcri pria\ tam ală bơta chi tam. Bơta pa ngan rlau jơh bơh xã Krông Na dê là neh crơng gơs Hợp tác xã broă drơng ala – lơh sa suơn sre Bản Đôn nàng tac sơntìl chi tam, phan ngui lơh broă sa, atbồ mờ ngui phan bơna drơng lơh sa suơn sre, lơh bal mờ ală hìu bơnhă cau lơh broă sa nàng bơcri lơh sa, tac phan lơh gơs.

Krông Na pơn iờ să ngan là [òn tờm bơh broă lơh pơ đàu rơwas

Đơs bè bơta lơh krơh lam lài bơh cau geh đảng dê tàm broă lơh jat ală nghị quyết tàm xã, mò Nang Bun Xóm đơs là, Chi bộ [òn Đôn là dùl pơn rơ gơguh jak, 5 nam sùm tơl khà chi bộ kloh niam, pràn kơldang, kơ\ kơljap: “Chi bộ [òn Đôn là chi bộ kơnòm să, geh chài bồ tơngoh bơsram sră mờ jơnau git wă. Bơh cau atbồ [òn, phó atbồ [òn, Bí thư chi đoàn ndrờmlà cau kơ nòm să lơm den tàng lơh broă jơh nùs ngan. Mờ bơta pràn kơnòm să he dê, ală bơyô neh lơh gơlik bơta pin dờn làng bol in, hòi jà làng bol lơh jat niam gùng dà, broă lơh bơh Đảng, bơ tòm tơr gùm ơruh pơrnu tus bal pơrjum jat tơngai ờs mờng, lơh ală broă lơh ơruh pơnu, lơh gơlik bơta kah kir niam, geh kuang đơng lam bồ tàm [òn lơgar đơs niam mờ pin dờn ua\ bè bơta niam cau geh đảng”.

Mờ bơta krơi is là tiah rềp nhàr mờ lơgar Campuchia, xã Krông Na, kơnhòal Buôn Đôn geh ù tiah ơnàng, làng bol kòn cau geh mờr 78%, tàm hơ\ kòn cau M’nông geh 36%. Bơh bơta do, Đảng ủy Krông Na đal git, pal sền gròi bơtàu tơnguh cau geh đảng tàm tiah làng bol kòn cau. Mò Nang Bun Xóm, Phó Bí thư Đảng ủy xã đơs nền, broă lơh bơtàu tơnguh cau geh đảng di mờ gùng dà broă lơh ai tơlik ờ mìng tơnguh pràn jak đơng lam bồ bơh Đảng dê tàm [òn lơgar, bal mờ hơ\ ală cau geh Đảng là cau M’nông neh gơ gơs là rbàng tơrbo\ nàng dong broă mblàng yal gùng dà, broă lơh bơh Đảng, bơta dong kờl, adat boh lam bơh dà lơgar dê tus làng bol geh [uơn rlau, tài dà kòn cau M’nông ndrờm bè dà đơs ờs mờng ngan bơh ală kòn cau oh mi bè Lào, Khmer, Rơđê, Jarai… ơm kis tàm do: “Đảng bộ xã Krông Na pơn jat tai tơlik Nghị quyết đơng lam bơh ală chi bộ, thôn, [òn lơh bè lơi nàng git go\, rơcang lài ală cau jak ngan nàng tơmut Đảng. pơn yơu bè 2, 3 nă ơruh pơnu neh mut đảng den khi geh kơ nòl ngan mờ tơnguh gơnoar broă he dê, wèt tus là nàng cau geh đảng kơ nòm să, geh bồ tơngoh bơsram sră, geh jơnau git wă at ală gơnoar broă tàm mpồl atbồ thôn, [òn nàng broă lơh mblàng yal mờ hòi kà làng bol [uơn rlau. Nàng tơnguh bơta niam đảng bộ dê den pal geh Nghị quyết ngan ngồn bè jơnau kờ` bơh Đảng dê, hòi jà bơh hìu bơnhă, hòi jà ơruh pơnu git ală gùng dà broă lơh bơh đảng dê, nàng làng bol in git ală tơngume bơh kấp hơđang mblàng yal, ngan là làng bol kòn cau, bal mờ hơ\ hòi jà làng bol sền gàr bơta niam chài kòn cau dê, sơlơ tam klac bal, sền gàr lơngap lơngai rài kis mpồl bơtìan..”

Xã Krông Na tiơng pơn rơ ngan tài bơh chờ pơr lòng rơwas

Bơta kuơmàng tàm xã Krông Na, kơnhòal Buôn Đôn, càr Dak Lak kung là tiah lơh broă bơh mpồl ling sền gàr tiah nhàr dà lơgar dê. Ală nam do, neh geh 14 nă cau geh đảng bơh Đảng ủy pôs ling sền gàr tiah nhàr dà lơgar Srêpôk rê tus bal pơrjum tàm 9 chi bộ thôn, [òn bơh xã dê. Do là ală cau lơh broă gah chính trị, ờ mìng git ală bơta gơlik geh, pơlam broă gơnoar atbồ in bè bơtàu tơnguh lơh sa mpồl bơtìan, sền gàr lơngap lơngai, sền gàr dà lơgar, mơkung git go\, bơ to pơlam ală cau jak ngan nàng yal kấp ủy in sền so wì tơmut Đảng.

Mờ broă sền gròi bơtàu tơnguh cau geh đảng tàm tiah làng bol kòn cau, ngan là gơ wèt mờ làng bol kòn cau M’nông, xã tiah nhàr dà lơgar Krông Na, kơnhòal Buôn Đôn, càr Dak Lak neh mờ gam bơt bơtàu mpồl lơh broă chính trị pràn kơldang, kơ\ kơljap bơh [òn lơgar. Bơh hơ\, tơl pràn jak nàng đơng lam bơtàu tơnguh lơh sa mpồl bơtìan, jơh nùs tus bal sền gàr kơ\ gơnoar tờm ngap lơngai tiah nhàr dà lơgar. Mơkung sền gàr niam chài bơh jo\ bơh tiah geh tiơng pơn rơ là “[òn tờm bơh broă lơh pơ đàu rơwas brê dê”.

Cau mblàng K’Duẩn