VOV4.K’ho- Rcăng lài sơndră wơk mờ bơta trồ prang dờng soăt dà, làng bol bal mờ gơnoar ătbồ tàm kơnhoàl Krông Ana, là tiah geh bă ù lơh kòi sre dờng bơh càr Dăk Lăk dê gam jơh nùs ngan lam lơh ală broă lơh gàr niam cồng nha lơh geh ai kàl lơh kòi kàl mrềt prang nam do in.

Ồng Y Diê Bkrông ơm tàm [òn Krông, xã Dua Kmal, kơnhoàl Krông Ana, pà gi\t, kờp bơh dơ\ sa tềp tus tu\ do den ngai lơi ồng kung lòt còp rwàng sền lo\ sră kòi lơm. Sih tam gờ`, ơn phơng tơl mờ ngan là gàr tơl dà den tàng kòi hòn dờng niam ngan. Ồng Y Diê Bkrông đơs bè do: Bơh ngai sa tềp tus tu\ do, làng bol tơrgùm lòt toah wàs rbòng dà, sih tam kòi tus ngai 30 sa tềp là lơh jơh. Bè broă lơh rcăng sơndră trồ prang dờng soăt dà, làng bol kung lơh niam wơl măy mok, toah wàs bơ\t bơtơ\t rbòng dà, kòi hòn dờng niam ngan. Tu\ do, làng bol rcăng sơndră tu kòp lơh aniai. Ală bi sền den tài, kòi tơlir niam ngan.

Làng bol mờ gơnoar ătbồ kơnhoàl Krông Ana jơh nùs rcăng lài sơndră mờ trồ prang soăt dà

Ồng Nguyễn Văn Sanh, Kuang ătbồ Hợp tác xã Thanh Bình, pà gi\t: uă ngan bă sre tàm Dua Kmal ơm tàm gùl ală jơng dòr bơnơm mờ tiah làng bol ơm kis, geh tiah ơm ngài mờ dà dờng Krông Ana rlau 15 kơi sồ. Hợp tác xã Thanh Bình neh mờ gam rcăng lài uă broă lơh nàng dong kòi geh tơl dà tus lồi kàl. Ồng Nguyễn Văn Sanh pà gi\t: Bă sre tàm Tây Nguyên den ờ go\ ring ờ, mờ tàm nam do tai trồ tiah ờ niam ngan, den tàng Hợp tác xã neh tuah wàs rbòng dà, hơ\ sồng crăp tai uă ngan măy. Tus tu\ do neh crăp tai 5 nơm măy nàng drơng broă [ồm dà ai jơh gùt kơnhoàl ù tiah kal ke ngan rlau jơh in. Apah bal cau drơng trồ mang, lơh broă tàm trồ mang nàng cau tuh dà gơ in tơl…

Tiah lơh kòi uă bơh kơnhoàl Krông Ana dê gàr tơl dà kòi in tus lồi kàl

Kàl mrềt prang nam do, jơh gùt kơnhoàl Krông Ana sih tam rlau 5 rbô 800 lồ kòi sre. Jăt ồng Nguyễn Minh Đông, Phó Chủ tịch UBND kơnhoàl Krông Ana dê yal, nàng rcăng lài rcăng sơndră mờ trồ prang dờng soăt dà, den bơh bồ kàl tơn, kơnhoàl neh geh sră bơto pơlam ală tiah in mblàng yal, hòi jà làng bol ngui dà dipal đah kòi sre mờ ală tờm chi tam jo\ ngai in. Gơ wèt mờ ală lo\ sre sùm gơtìp soăt dà, den UBND kơnhoàl neh sồr gah lơh broă sa cang tiah sồr làng bol ba` sih tam, tam gơl tam wơl tờm chi tam ndai nàng pleh gơtìp hoàc hươr.

Ồng Nguyễn Minh Đông pà gi\t tai, yal lài trồ prang dờng soăt dà digơlan gơbàn tàm lồi kàl mrềt prang, den tàng UBND kơnhoàl neh geh uă sră nggal sồr Công ty Thủy lợi Krông Ana, 11 Hợp tác xã tàm kơnhoàl sơlơ tơnguh tai ală broă lơh rcăng sơndră mờ trồ prang soăt dà geh cồng nha. Ồng đơs: Bơh broă lòt sền den tu\ do bàr pe tiah tàm kơnhoàl gơtìp trồ prang soăt dà uă ngan. Gơbàn jơnau do là tài bơh ală dơ\ dà ko\ dà cò, bràs gơ bồr tus lơh kơryan hiòng dà hòr tàm bàr pe gơl dà dờng mờ ală dà croh, tơnau dà. Tài bè hơ\ den tàng UBND kơnhoàl neh rcăng lài priă jền nàng tuah wàs rbòng dà, ntrờ` ală măy [ồm dà gơmù rềp rlau khà dà nàng geh tơl dà [ồm. Tus tu\ do, den tàm kơnhoàl ờ hềt geh bă sre lơi gơtìp ờ tơl dà tuh.

Cau cih Tuấn Long- Cau mblàng Lơ Mu K’Yến