VOV4.K’ho- Ngai (24/4), Tỉnh Đoàn Lâm Đồng pơgồp bal mờ ală mpồl cau, cau dùl nă să is geh nùs nhơm niam dong kờl neh ai broă lơh siêu thị jero đồng mut lơh broă. Siêu thị do geh ai ờ sa priă phan ngui sa, ào mpha dong kờl ai 2 rơbô hìu bơnhă làng bol gơbàn kal ke tàm tơngai kòp Covid-19.

Siêu thị jero đồng bơh Tỉnh Đoàn Lâm Đồng dê pơgồp bal mờ ală kông ty, mpồl lơh sa kă bro, ală cau geh nùs nhơm niam crơng gơs nàng kờ` dong kờl ală hìu bơnhă r[ah, cau ờ sô ờ soàn, cau lơh broă ờ geh broă lơh, ờ geh priă lơh geh tài bơh gơ rềng kòp Covid-19.

Jat Tỉnh Đoàn Lâm Đồng, bơta kuơ màng tàm siêu thị do dê là ờ geh cau lơi tăc mờ mìng geh ală cau pơlam phàt phan lơm. Tơl phan pà tàm hơ\ geh: phe, bung mi, tăp, biăp plai đo, tơngi mờ dà màn kờp mờ priă là 300 rơbô đong geh dờp tus tàm tê cau geh rài kis kal ke in. Mơ tơl nă cau tu\ tus tàm do ndrờm geh đo să jan, sồr pal pơn chèo glòm muh mat mờ gàr niam ală bơta ơm yah tàm broă rcang sơn dră kòp.

Cau mblàng K’ Hạnh