VOV4.K’ho- Ban Thường vụ Tỉnh ủy Dăk Lăk pa bơyai lơh Pơrjum Ban Thường vụ Tỉnh ủy dơ\ 68 bơh bơta đơng lam bơh ồng Bùi Văn Cường- Ủy viên Ban Chấp hành Đảng Dà lơgar, Bí thư Tỉnh ủy Dăk Lăk.

Tàm pơrjum dơ\ do, Ban Thường vụ Tỉnh ủy Dăk Lăk sền swì, ai jơnau đơs gơ wèt mờ uă tơngume kuơmàng, tàm hơ\ geh: rcăng cih jơnau yal bơh Tỉnh ủy dê bè broă lơh jăt kơnòl broă nam 2019; rcăng cih Kơrnoat bơh Tỉnh ủy dê bè kơnòl broă nam 2020; bàr pe jơnau rcăng cih bè broă lơh sền swì, gròi sền mờ broă lơh rơndăp tăp sèng kuang bàng…

Ban Thường vụ Tỉnh ủy Dăk Lăk kung sền swì gùng dà broă lơh gơ wèt mờ rơndăp broă lơh gùng lòt ală xã: Ea Phê- Ea Kuăng- Vụ Bổn gơ wèt kơnhoàl Krông Pach; rơndăp broă lơh tam tơngời công nghệ cao, tam brê pơgồp bal mờ ătbồ, sền gàr brê tàm kơnhoàl Cư Mgar; rcăng cih Kơrnoat bơh Tỉnh ủy dê bè bơtàu tơnguh lơh sa bal càr Dăk Lăk tus nam 2030; rcăng cih Broă lơh lơh jăt Jơnau đơs pơndu\t bơh Bộ Chính trị dê bè pơgồp bal sền gàr dà lơgar, lơngăp lơngai bal mờ lơh sa, lơh sa mờ sền gàr dà lơgar lơngăp lơngai…

Cau mblàng Lơ Mu K’Yến