VOV4.K’ho- Ồng Phùng Quốc Hiển Phó Chủ tịch Quốc hội neh đơng lam dơ\ tìp mat boh bơr đah kuang đơng lam bồ Đảng, Dà lơgar Việt Nam bal mờ Kuang ătbồ Mpồl cau ala măt Cau lơh broă sa lơgar Campuchia, Lào mờ càr Lâm Đồng.

Tu\ do, broă tơnguh bơta gi\t gơ\p lơh bơyô bal lơh broă bal bè lơh sa sươn sre phan bơna kă bro đah làng bol lơh broă sa pe lơgar dê lơh gơnoar broă kuơmàng ngan tàm broă bơtàu tơnguh lơh sa- mpồl bơtiàn bơh tơl lơgar dê tàm pe lơgar đơs is mờ tơnguh bơngă bơh pe lơgar dê gơ wèt mờ kơnhoàl ù tiah do mờ dunia đơs bal.

Phó Chủ tịch Quốc hội ồng Phùng Quốc Hiển sồr, tàm tơngai tus, 3 lơgar pal bơyai lơh sùm tàm pơdar ală broă lơh ndrờm bè do tàm tơl lơgar dê nàng hòi jà mờ tơnguh nùs nhơm lơh broă, bơceh pa sùm bơh cau lơh broă sa dê; geh broă rơndăp lơh lơh broă loh làng nàng sơlơ lơh broă bal; tơnơ\ tơl tu\ tơngai pal geh bơta sền swì  ală cồng nha lơh geh, bơta [ươn, bơta kal ke, bơta lòng, dan geh gùng dà broă lơh yal mờ kuang đơng lam bồ kấp dờng màng pe lơgar dê; sùm cribơyai mờng chài, yal tơngi\t jơnau, broă lơh bơh mpồl cau lơh broă sa dê di tu\ đah ală tiah bơh pe lơgar dê đơs bal mờ càr Lâm Đồng dê đơs is.

Cau mblàng Lơ Mu K’Yến